കോഴിക്കോട് പെരുവയല്‍ ഗ്രാമപഞ്ചായത്തിലെ കൊളക്കാടത്ത്താഴം-കുറ്റിപ്പാടം-കരിമ്പനങ്ങോട് റോഡിന്റെ നവീകരണ പ്രവൃത്തി ഉദ്ഘാടനം പി ടി എ റഹീം എംഎല്‍എ നിര്‍വഹിച്ചു. തദ്ദേശ റോഡ് പുനരുദ്ധാരണ പദ്ധതിയില്‍ ഉള്‍പ്പെടുത്തി 20 ലക്ഷം രൂപ ചെലവിട്ടാണ് കരിമ്പനങ്ങോട് മുതല്‍ കുറൂഞ്ഞിയില്‍ വരെയുള്ള ഭാഗം നവീകരിക്കുന്നത്. നേരത്തെ എംഎല്‍എയുടെ മണ്ഡലം ആസ്തി വികസന ഫണ്ടില്‍ ഉള്‍പ്പെടുത്തി രണ്ട് ഘട്ടങ്ങളിലായി റോഡിന് 20 ലക്ഷം രൂപ അനുവദിക്കുകയും പ്രവൃത്തി നടത്തുകയും ചെയ്തിരുന്നു. 

ചടങ്ങില്‍ പെരുവയല്‍ ഗ്രാമപഞ്ചായത്ത് അംഗം എം കെ സുഹറാബി അധ്യക്ഷയായി. കെ പി സുരേന്ദ്രന്‍, സി രാജീവ്, എം ടി മാമുക്കോയ, എന്‍ കെ മൊയ്തീന്‍, പി ബാലകൃഷ്ണന്‍, പി പി ബഷീര്‍, കെ ടി എ റസാഖ് എന്നിവര്‍ സംസാരിച്ചു.