നവീകരിച്ച നൊച്ചാട് വലിയപറമ്പ് നഗര്‍ ഉദ്ഘാടനം ചെയ്തു
പട്ടികജാതി വികസന വകുപ്പ് അംബേദ്കര്‍ ഗ്രാമം പദ്ധതിയില്‍ ഉള്‍പ്പെടുത്തി നവീകരിച്ച കോഴിക്കോട് നൊച്ചാട് ഗ്രാമപഞ്ചായത്തിലെ വലിയപറമ്പ് നഗര്‍ പട്ടികജാതി, പട്ടികവര്‍ഗ, പിന്നാക്കക്ഷേമ വകുപ്പ് മന്ത്രി ഒ ആര്‍ കേളു ഉദ്ഘാടനം ചെയ്തു.പട്ടികജാതി ഉന്നതികള്‍ വളരേണ്ടത് കുട്ടികള്‍ ഉന്നത വിദ്യാഭ്യാസം നേടുന്നതിലൂടെയാണെന്ന് മന്ത്രി പറഞ്ഞു .
പട്ടികജാതി ഉന്നതികളിലെ പോരായ്മകള്‍ പരിഹരിച്ച് മുന്നോട്ടു കൊണ്ടുപോകുന്നതിന് നിരവധി പദ്ധതികളാണ് സര്‍ക്കാര്‍ നടപ്പാക്കുന്നതെന്നും മന്ത്രി പറഞ്ഞു. 50 ലക്ഷം രൂപ ചെലവിട്ടാണ് വലിയപറമ്പ് നഗര്‍ നവീകരിച്ചത്.
ടി.പി രാമകൃഷ്ണന്‍ എംഎല്‍എ അധ്യക്ഷനായി. പേരാമ്പ്ര ബ്ലോക്ക് പഞ്ചായത്ത് പ്രസിഡന്റ് എന്‍ പി ബാബു, നൊച്ചാട് ഗ്രാമപഞ്ചായത്ത് പ്രസിഡന്റ് ശാരദ പട്ടേരികണ്ടി, ഗ്രാമപഞ്ചായത്ത് സ്ഥിരം സമിതി അധ്യക്ഷ ഷിജി കൊട്ടാരക്കല്‍, പേരാമ്പ്ര ബ്ലോക്ക് പഞ്ചായത്ത് അംഗം പ്രഭശങ്കര്‍, ജില്ലാ പട്ടികജാതി വികസന ഓഫീസര്‍ ഐ പി ശൈലേഷ്, നിര്‍മിതി കേന്ദ്രം അസി. എഞ്ചിനീയര്‍ ഇ സീന, ഗ്രാമപഞ്ചായത്ത് അംഗങ്ങള്‍ തുടങ്ങിയവര്‍ പങ്കെടുത്തു.
