നൊച്ചാട് ജനകീയ ആരോഗ്യ കേന്ദ്രം ഉദ്ഘാടനം ചെയ്തു
ജനങ്ങളുടെ ആരോഗ്യ സംരക്ഷണം സര്‍ക്കാറിന്റെ മുഖ്യലക്ഷ്യം : മന്ത്രി ഒ ആര്‍ കേളു
കോഴിക്കോട് നൊച്ചാട് ജനകീയാരോഗ്യ കേന്ദ്രത്തിനായി 46 ലക്ഷം രൂപ ചെലവിട്ട് നിര്‍മിച്ച കെട്ടിടം ട്ടികജാതി, പട്ടികവര്‍ഗ, പിന്നാക്കക്ഷേമ വകുപ്പ് മന്ത്രി ഒ ആര്‍ കേളു ഉദ്ഘാടനം ചെയ്തു.
ജീവിതശൈലി രോഗങ്ങള്‍ക്കുള്‍പ്പെടെ ചികിത്സ നല്‍കി ജനങ്ങളുടെ ആരോഗ്യ സംരക്ഷണം ഉറപ്പുവരുത്തുകയാണ് സര്‍ക്കാറിന്റെ മുഖ്യലക്ഷ്യമെന്ന് മന്ത്രി പറഞ്ഞു.
ജനകീയ ആരോഗ്യ കേന്ദ്രങ്ങളിലൂടെ ഓരോ വ്യക്തിക്കും സര്‍ക്കാര്‍ പ്രാഥമിക ചികിത്സ ഉറപ്പുവരുത്തുകയാണെന്നും മന്ത്രി പറഞ്ഞു.
ടി പി രാമകൃഷ്ണന്‍ എംഎല്‍എ അധ്യക്ഷനായി. ഗ്രാമപഞ്ചായത്ത് പ്രസിഡന്റ് ശാരദ പട്ടേരികണ്ടി, വൈസ് പ്രസിഡന്റ് പി എം കുഞ്ഞിക്കണ്ണന്‍, സ്ഥിരം സമിതി അധ്യക്ഷരായ ശോഭന വൈശാഖ്, ബിന്ദു അമ്പാളി, ഷിജി കൊട്ടാരക്കല്‍, വാര്‍ഡ് മെമ്പര്‍ സനില ചെറുവറ്റ, മെഡിക്കല്‍ ഓഫീസര്‍ ഡോ. ആര്‍ ജെ അഭിലാഷ്, ബ്ലോക്ക്-ഗ്രാമപഞ്ചായത്ത് അംഗങ്ങള്‍ തുടങ്ങിയവര്‍ പങ്കെടുത്തു.
