കോഴിക്കോട് കുന്നുമ്മൽ ബ്ലോക്ക് പഞ്ചായത്ത് 2021-25 പദ്ധതി വിഹിതവും എംഎൽഎ ഫണ്ടും ഉപയോഗിച്ച് നിർമിച്ച ബ്ലോക്ക് പഞ്ചായത്ത് ഓഫീസ് സമുച്ചയത്തിൻ്റെ ഉദ്ഘാടനം തദ്ദേശ സ്വയംഭരണ വകുപ്പ് മന്ത്രി എം ബി രാജേഷ് നിർവഹിച്ചു.

കെ പി കുഞ്ഞമ്മദ്കുട്ടി മാസ്റ്റർ എംഎൽഎ അധ്യക്ഷത വഹിച്ചു.

രണ്ട് നിലകളിലായി 2.60 കോടി രൂപ ചെവഴിച്ച് നിർമിച്ച ബ്ലോക്ക് പഞ്ചായത്ത് ഓഫീസ് കെട്ടിടത്തിൽ ഓഫിസ് കാബിൻ, ഫ്രണ്ട് ഓഫിസ്, ഐസിഡിഎസ് ഓഫിസ്, വിവിധ വകുപ്പുകളുടെ ഓഫീസ് എന്നിവയാണ് ഉള്ളത്.

ചടങ്ങിൽ ഇ കെ വിജയൻ എംഎൽഎ, കുന്നുമ്മൽ ബ്ലോക്ക് പഞ്ചായത്ത് പ്രസിഡൻ്റ് കെ പി ചന്ദ്രി, വൈസ് പ്രസിഡന്റ്  മുഹമ്മദ് കക്കട്ടിൽ, കുന്നുമ്മൽ ഗ്രാമപഞ്ചായത്ത് പ്രസിഡന്റ്  വി കെ റീത്ത, വേളം ഗ്രാമപഞ്ചായത്ത് പ്രസിഡൻ്റ് തായന ബാലാമണി, കുറ്റ്യാടി ഗ്രാമപഞ്ചായത്ത് പ്രസിഡൻ്റ് ഒ ടി നഫീസ, ജില്ലാപഞ്ചായത്ത് അംഗം സി എം യശോദ, ബ്ലോക്ക് പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ എംപി കുഞ്ഞിരാമൻ, ബ്ലോക്ക് പഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ എൻ കെ ലീല, ബ്ലോക്ക് പഞ്ചായത്ത് ആരോഗ്യ-വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർപേഴ്‌സൺ ലീബ സുനിൽ, എൽ എസ് ജി ഡി ജോ. ഡയറക്റ്റർ പി ടി പ്രസാദ്, ബ്ലോക്ക് പഞ്ചായത്ത് സെക്രട്ടറി കെ ടി മനോജ്‌കുമാർ, എക്സ‌ി. എൻജിനീയർ കെ എ സരിത, ഉദ്യോഗസ്ഥർ, രാഷ്ട്രീയ പാർട്ടി പ്രതിനിധികൾ തുടങ്ങിയവർ പങ്കെടുത്തു.