പന്തളം കെഎസ്ആര്‍ടിസി ബസ് സ്റ്റാന്‍ഡ് ഇനി മുതല്‍ ഹരിതം
മാലിന്യമുക്തം നവകേരളം ജനകീയ ക്യാമ്പയിന്റെ ഭാഗമായി പന്തളം കെഎസ്ആര്‍ടിസി ബസ് സ്റ്റാന്‍ഡിനെ ഹരിത കെഎസ്ആര്‍ടിസി ആയി പ്രഖ്യാപിച്ചു. ജൈവ അജൈവമാലിന്യങ്ങള്‍ നിക്ഷേപിക്കുന്നതിന് ബിന്നുകളും ബോട്ടില്‍ ബൂത്തും സ്ഥാപിച്ചു. നഗരസഭ ചെയര്‍മാന്‍ അച്ചന്‍കുഞ്ഞ് ജോണ്‍, നഗരസഭാ വൈസ് ചെയര്‍പേഴ്‌സണ്‍ രമ്യ, കൗണ്‍സിലര്‍മാരായ സീന, പുഷ്പലത, സൗമ്യ, ആരോഗ്യവിഭാഗം ഉദ്യോഗസ്ഥർ, ഹരിത കേരളം മിഷന്‍ റിസോഴ്‌സ് പേഴ്‌സണ്‍ അല്‍ഫിയ എന്നിവര്‍ പങ്കെടുത്തു.
