ജാഗ്രത: പ്രായമായവര്‍ വീടിന്‌ പുറത്ത്‌ പോകരുത്
കാസർഗോഡ്: അറുപത് വയസിന് മുകളിൽ പ്രായമുള്ളവർ, ഗർഭിണികൾ, കിടപ്പിലായ രോഗികൾ, ഡയാലിസിസ് രോഗികൾ, കാൻസർ രോഗികൾ, പ്രമേഹ രോഗികൾ, വൃക്കരോഗികൾ ഹൃദയ സംബന്ധമായ രോഗമുള്ളവർ തുടങ്ങി ജീവിതശൈലി രോഗത്തിന് സ്ഥിരം മരുന്ന് കഴിക്കുന്നവർ നിർബന്ധമായും മറ്റൊരാളുമായി ബന്ധപ്പടാതെ സ്വന്തം വീടുകളിൽ വാതിലുകൾ അടച്ച് വായുസഞ്ചാരമുള്ള മുറികളിൽ കഴിയണമെന്ന് ജില്ലാ ദുരന്തനിവാരണ അതോറിറ്റി ചെയർമാൻ കൂടിയായ കാസർഗോഡ് ജില്ലാ കളക്ടർ ഡോ. ഡി. സജിത് ബാബു അറിയിച്ചു.
