മലയോര മേഖലയുടെ വോട്ടേജ് ക്ഷാമത്തിന് വിട; കുറ്റിക്കോലില്‍ 110 കെവി സബ്‌സ്റ്റേഷന്‍ യാഥാര്‍ത്ഥ്യമായി

post

കാസര്‍കോട്: മലയോര മേഖലയുടെ കാലങ്ങളായുള്ള വോള്‍ട്ടേജ് ക്ഷാമത്തിന് വിട. കുറ്റിക്കോലില്‍ 110 കെ.വി സബ്‌സ്റ്റേഷന്‍ വൈദ്യുതി വകുപ്പ് മന്ത്രി എം.എം മണി ഉദ്ഘാടനം ചെയ്തു. കുറ്റിക്കേല്‍, ബേഡഡുക്ക, കള്ളാര്‍, കോടോം ബേളൂര്‍ പഞ്ചായത്തിലെ ജനങ്ങളുടെ ചിരകാല സ്വപ്നമാണ് യാധാര്‍ത്ഥ്യമാകുന്നത്. കാര്‍ഷീക മേഖല പ്രധാന ഉപജീവനം നടത്തുന്നവര്‍ക്കെല്ലാം തടസ്സമില്ലാതെ ഉയര്‍ന്ന വോള്‍ട്ടേജില്‍ വൈദ്യുതി നല്‍കുന്നതാണ് ഈ പദ്ധതി. കിലോ മീറ്ററുകള്‍ അകലെയുള്ള മുള്ളേരിയ, മൈലാട്ടി സബ് സ്റ്റേഷനുകളിലെ ദൈര്‍ഘ്യമേറിയ ഫീസറുകളിലൂടെ നടത്തുന്ന വൈദ്യുതി വിതരണം ഗുരുതര വോട്ടേജ് പ്രശ്‌നമായിരുന്നു മലയോര മേഘല നേരിട്ടിരുന്നത്. കിഫ്ബി പദ്ധതിയില്‍ ഉള്‍പ്പെടുത്തി നിരവധി റോഡ് വികസന പദ്ധതികള്‍ നടന്നുവരുന്ന പ്രദേശത്ത് ഗുണമേന്‍മയേറിയ വൈദ്യുതി ലഭ്യത കൂടി ഉറപ്പു വരുത്തുമ്പോള്‍ വ്യവസായ വളര്‍ച്ചയ്ക്കും ഊര്‍ജ്ജമാകും. മേഖലയില്‍ കാതലായ മാറ്റങ്ങള്‍ പ്രതീക്ഷിക്കാം.  

 പരിപാടിയില്‍ റവന്യൂ ഭവന നിര്‍മ്മാണ വകുപ്പ് മന്ത്രി ഇ. ചന്ദ്രശേഖരന്‍ അധ്യക്ഷനായി.