കേരള മീഡിയ അക്കാദമി ഹയർസെക്കന്ററി- കോളേജ് വിദ്യാർഥികൾക്ക് വേണ്ടി സംസ്ഥാന തലത്തിൽ ക്വിസ് പ്രസ്- 2025 എന്ന പ്രശ്നോത്തരി  സംഘടിപ്പിക്കുന്നു. ക്വിസ് പ്രസ്സിന്റെ നാലാം എഡിഷനാണിത്. മുഖ്യമന്ത്രിയുടെ ട്രോഫിയും ഒരു ലക്ഷം രൂപയുമാണ് ഒന്നാം സമ്മാനം. മത്സരം ദൂരദർശനിലും ജീവൻ ടിവിയിലും സംപ്രേഷണം ചെയ്യും.  പ്രശസ്ത ക്വിസ് മാസ്റ്റർ ജി എസ് പ്രദീപ്  മത്സരം നയിക്കും. ഒരു കോളേജിൽ നിന്നും രണ്ടുപേർ അടങ്ങുന്ന എത്ര ടീമുകൾക്ക് വേണമെങ്കിലും പങ്കെടുക്കാം. 22 വയസ്സാണ് ഉയർന്ന പ്രായപരിധി.

സെപ്തംബർ 30, ഒക്ടോബർ 1, 2 തീയതികളിൽ തിരുവനന്തപുരം ടാഗോർ തീയറ്ററിൽ നടക്കുന്ന കേരള മീഡിയ അക്കാദമി ഇന്റർനാഷണൽ മീഡിയ ഫെസ്റ്റിവൽ ഓഫ് കേരളയുടെ ഭാഗമായാണ് ക്വിസ് പ്രസ് മത്സരം സംഘടിപ്പിക്കുന്നത്.

സെപ്തംബർ 30ന് രാവിലെ 11ന് തിരുവനന്തപുരം വൈലോപ്പിള്ളി ഭവനിൽ  പ്രാഥമിക മത്സരങ്ങൾ നടക്കും. ഒക്ടോബർ 1ന് തിരുവനന്തപുരം ടാഗോർ തീയറ്ററിൽ വെച്ചായിരിക്കും ഫൈനൽ മത്സരം. രണ്ടാം സ്ഥാനക്കാർക്ക് 60,000 രൂപയും ട്രോഫിയും സർട്ടിഫിക്കറ്റും, മൂന്നാം സ്ഥാനക്കാർക്ക് 30,000 രൂപയും ട്രോഫിയും സർട്ടിഫിക്കറ്റും നൽകും.

മത്സരത്തിൽ പങ്കെടുക്കുന്നതിന് ഗൂഗിൾ ഫോം ലിങ്ക് https://forms.gle/q7AFgqDqg8cB6KoL9 വഴി സെപ്തംബർ 25 വൈകിട്ട് 5 മണിക്കകം ടീം രജിസ്ട്രേഷൻ നടത്തണം. വിശദാംശങ്ങൾക്ക്: 0484- 2422275, 0471-2726275, 9633214169.