പ്രൊബേഷൻ പക്ഷാചരണത്തിന്റെ ഭാഗമായി സാമൂഹ്യനീതി വകുപ്പ്, ജില്ലാ പ്രൊബേഷൻ ഓഫീസ്, ജില്ലാ ലീഗൽ സർവീസ് അതോറിറ്റി എന്നിവയുടെ നേതൃത്വത്തിൽ സ്റ്റേക്ക് ഹോൾഡേഴ്സിനായി ശിൽപശാല സംഘടിപ്പിച്ചു. തലശ്ശേരി പ്രിൻസിപ്പൽ ഡിസ്ട്രിക്ട് ആൻഡ് സെഷൻസ് ജഡ്ജും ജില്ലാ ലീഗൽ സർവീസ് അതോറിറ്റി ചെയർമാനുമായ കെ.ടി നിസാർ അഹമ്മദ് ഉദ്ഘാടനം ചെയ്തു.

ജില്ലാ കോടതി ബൈസെന്റിനറി ഹാളിൽ നടന്ന ശിൽപശാലയിൽ ജില്ലാ സാമൂഹ്യ നീതി ഓഫീസർ പി ബിജു അധ്യക്ഷനായി. തലശ്ശേരി അസി. സൂപ്രണ്ട് ഓഫ് പോലീസ് പി.ബി കിരൺ മുഖ്യാതിഥിയായി. പ്രൊബേഷനും മറ്റു സാമൂഹ്യ പ്രതിരോധ മാർഗങ്ങളും സാമൂഹ്യനീതി വകുപ്പിന്റെ ഇടപെടലുകളും എന്ന വിഷയത്തിൽ ജില്ലാ സാമൂഹ്യനീതി ഓഫീസർ പി ബിജു, നേർവഴി പദ്ധതിയും പ്രൊബേഷൻ പുനരധിവാസ പദ്ധതികളും എന്ന വിഷയത്തിൽ ജില്ലാ പ്രൊബേഷൻ ഓഫീസർ കെ ഷുഹൈബ് എന്നിവർ ക്ലാസെടുത്തു.

കണ്ണൂർ റൂറൽ നർകോട്ടിക്ക് സെൽ ഡി വൈ എസ് പി വിൻസെന്റ് ജോസഫ്, വിമുക്തി മാനേജർ അരുൺ ദാമോദരൻ, ഡി എൽ എസ് എ സെഷൻ ഓഫീസർ പി.വി സനൽ കുമാർ, പ്രൊബേഷൻ അസിസ്റ്റന്റ് കെ ജ്യോതി എന്നിവർ പങ്കെടുത്തു.