തദേശസ്വയംഭരണ സ്ഥാപനങ്ങളിലേക്കുള്ള പൊതുതിരഞ്ഞെടുപ്പുമായി ബന്ധപ്പെട്ട് നാമനിർദേശ പത്രികകളുടെ സൂക്ഷ്മപരിശോധന പൂർത്തിയായി. ജില്ലാ വരണാധികാരിയും ജില്ലാ കളക്ടറുമായ എസ് പ്രേം കൃഷ്ണന്റെ നേതൃത്വത്തിൽ ജില്ലാ പഞ്ചായത്തിലേക്കുള്ള നാമനിർദേശ പത്രികകളുടെ സൂക്ഷ്മ പരിശോധന നടത്തി. നഗരസഭ, ബ്ലോക്ക് പഞ്ചായത്ത്, ഗ്രാമപഞ്ചായത്ത് എന്നിവിടങ്ങളിലേക്ക് ലഭിച്ച നാമനിർദേശ പത്രികകളുടെ സൂക്ഷ്മപരിശോധന അതാത് വരണാധികാരികളുടെ നേതൃത്വത്തിൽ നടന്നു. ജില്ലാ പഞ്ചായത്തിൽ 17 ഡിവിഷനുകളിലായി 124 നാമനിർദേശ പത്രിക ലഭിച്ചതിൽ 14 എണ്ണം തള്ളി. 110 എണ്ണം സാധുവായി. 58 പേർ സൂക്ഷ്മ പരിശോധനയ്ക്ക് ശേഷം തിരഞ്ഞെടുപ്പിൽ മത്സരിക്കാൻ യോഗ്യത നേടി. 66 സ്ഥാനാർഥികൾ പത്രിക സമർപ്പിച്ചതിൽ എട്ടു പേരുടെ പത്രിക തള്ളി.

ജില്ലാ പഞ്ചായത്ത് ഡിവിഷൻ- സാധുവായ നാമനിർദേശ പത്രികയുടെ എണ്ണം:

പുളിക്കീഴ്- 6, കോയിപ്രം- 7, മല്ലപ്പള്ളി- 7, ആനിക്കാട്- 7, അങ്ങാടി- 7, റാന്നി- 6, ചിറ്റാർ- 6, മലയാലപ്പുഴ- 4, കോന്നി- 7, പ്രമാടം- 7, കൊടുമൺ- 11, കലഞ്ഞൂർ- 5, ഏനാത്ത്- 6, പള്ളിക്കൽ- 5, കുളനട- 6, ഇലന്തൂർ- 6, കോഴഞ്ചേരി- 7.

നാലു നഗരസഭകളിൽ സൂക്ഷ്മ പരിശോധനയിലൂടെ യോഗ്യത നേടിയത് 485 സ്ഥാനാർഥികൾ:

ജില്ലയിൽ തദേശസ്വയംഭരണ സ്ഥാപനങ്ങളിലേക്കുള്ള പൊതുതിരഞ്ഞെടുപ്പിൽ മത്സരിക്കാൻ നാലു നഗരസഭകളിൽ നിന്ന് സൂക്ഷ്മ പരിശോധനയിലൂടെ യോഗ്യത നേടിയത് 485 സ്ഥാനാർഥികൾ. അടൂർ 94, പത്തനംതിട്ട 118, തിരുവല്ല 147, പന്തളം 126 സ്ഥാനാർഥികളാണ് മത്സരിക്കാൻ യോഗ്യത നേടിയത്. പത്തനംതിട്ട, പന്തളം നഗരസഭയിൽ ഒരു പത്രിക വീതം തള്ളി.

ബ്ലോക്ക് ഗ്രാമപഞ്ചായത്തിൽ നാമനിർദേശ പത്രികകളുടെ സൂക്ഷ്മപരിശോധന നടത്തി

ജില്ലയിൽ തദേശസ്വയംഭരണ സ്ഥാപനങ്ങളിലേക്കുള്ള പൊതുതിരഞ്ഞെടുപ്പിൽ മത്സരിക്കാൻ എട്ടു ബ്ലോക്ക് പഞ്ചായത്തുകളിൽ നിന്ന് സൂക്ഷ്മ പരിശോധനയിലൂടെ യോഗ്യത നേടിയത് 397 സ്ഥാനാർഥികൾ.

മല്ലപ്പള്ളി 47, പുളിക്കീഴ് 43, കോയിപ്രം 50, ഇലന്തൂർ 50, റാന്നി 50, കോന്നി 49, പന്തളം 55, പറക്കോട് 53 എന്നിങ്ങനെയാണ് യോഗ്യത നേടിയ സ്ഥാനാർഥികളുടെ എണ്ണം. മല്ലപ്പള്ളി മൂന്ന്, കോന്നി രണ്ട്, കോയിപ്രം, പറക്കോട് ബ്ലോക്കിൽ ഒരു പത്രിക വീതം തള്ളി.

തദ്ദേശ തിരഞ്ഞെടുപ്പുമായി ബന്ധപ്പെട്ട് നടത്തിയ സൂക്ഷ്മ പരിശോധനയിൽ പത്തനംതിട്ട ജില്ലയിലെ ഗ്രാമപഞ്ചായത്തുകളിൽ മത്സരിക്കുന്നതിന് സമർപ്പിച്ചിരുന്ന നാമനിർദേശപത്രികളിൽ 5936 എണ്ണം സാധുവായി. 59 പത്രികകൾ തള്ളി. 3286 സ്ഥാനാർഥികളാണ് മത്സരിക്കാൻ യോഗ്യരായത്.

ഗ്രാമപഞ്ചായത്ത്- സാധുവായ നാമനിർദേശ പത്രികകൾ, നിരസിച്ച നാമനിർദേശ പത്രികകൾ, യോഗ്യരായ സ്ഥാനാർഥികളുടെ എണ്ണം എന്ന ക്രമത്തിൽ:

ആനിക്കാട്-104, 1, 54. കവിയൂർ- 84, 1, 48. കൊറ്റനാട്- 106, 0, 51. കല്ലൂപ്പാറ- 87, 0, 44. കോട്ടാങ്ങൽ- 100, 0, 54. കുന്നന്താനം- 84, 0, 51. മല്ലപ്പള്ളി- 87, 2, 57. കടപ്ര- 116, 0, 63. കുറ്റൂർ- 81, 0, 54. നിരണം- 97, 0, 59. നെടുമ്പ്രം- 106, 0, 46. പെരിങ്ങര- 94, 2, 57.

അയിരൂർ- 112, 1, 71. ഇരവിപേരൂർ- 125, 0, 71. കോയിപ്രം- 160, 0, 81. തോട്ടപ്പുഴശേരി- 106, 8, 50. എഴുമറ്റൂർ- 127, 0, 56. പുറമറ്റം- 115, 1, 55. കോന്നി- 166, 0, 96. അരുവാപ്പുലം- 171, 2, 69. പ്രമാടം- 168, 0, 80. മൈലപ്ര- 90, 0, 46. വള്ളിക്കോട്- 139, 1, 66. തണ്ണിത്തോട്- 103, 3, 63. മലയാലപ്പുഴ-93, 0, 56.

പന്തളം തെക്കേക്കര-129, 0, 63. തുമ്പമൺ- 86, 5, 53. കുളനട- 139, 0, 70. ആറന്മുള- 147, 0, 82. മെഴുവേലി- 95, 0, 55. ഏനാദിമംഗലം- 112, 0, 66. ഏറത്ത്- 122, 1, 71. ഏഴംകുളം- 140, 2, 80. കടമ്പനാട്- 110, 0, 72. കലഞ്ഞൂർ- 151, 0, 69. കൊടുമൺ- 174, 0, 89. പള്ളിക്കൽ- 194, 0, 119.

ഓമല്ലൂർ- 106, 0, 77. ചെന്നീർക്കര- 151, 4, 71. ഇലന്തൂർ- 113, 0, 50. ചെറുകോൽ- 51, 0, 43. കോഴഞ്ചേരി- 81, 0, 36. മല്ലപ്പുഴശേരി-103, 0, 50. നാരങ്ങാനം- 90, 0, 54.

റാന്നി പഴവങ്ങാടി- 118, 0, 59. റാന്നി- 85, 0, 53. റാന്നി അങ്ങാടി- 62, 0, 48. റാന്നി പെരുനാട്- 96, 2, 76. വടശേരിക്കര- 108, 4, 62. ചിറ്റാർ- 100, 1, 65. സീതത്തോട്- 67, 0, 46. നാറാണംമൂഴി- 104, 0, 56. വെച്ചൂച്ചിറ- 81, 18, 53.