കുടുംബശ്രീ ഓണചന്ത ഉദ്ഘാടനം ചെയ്തു
പത്തനംതിട്ട അരുവാപ്പുലം ഗ്രാമപഞ്ചായത്ത് കുടുംബശ്രീ സി.ഡി.എസിന്റെ നേതൃത്വത്തില്‍ ആരംഭിച്ച ഓണചന്ത പ്രസിഡന്റ് രേഷ്മ മറിയം റോയി ഉദ്ഘാടനം ചെയ്തു. ക്ഷേമകാര്യ സ്ഥിരം സമിതി ചെയര്‍പേര്‍സന്‍ വി ശ്രീകുമാര്‍ അധ്യക്ഷനായി. പഞ്ചായത്തിലെ വിവിധ കുടുംബശ്രീ, കര്‍ഷക യൂണിറ്റ് തയാറാക്കിയ കാര്‍ഷിക വിഭവങ്ങളും ഭക്ഷ്യഉല്‍പന്നങ്ങളും ഓണചന്തയില്‍ ലഭിക്കും. വൈസ് പ്രസിഡന്റ് മണിയമ്മ രാമചന്ദ്രന്‍ നായര്‍, ഷീബ സുധീര്‍, വി.കെ. രഘു, ജോജു വര്‍ഗീസ്, റ്റി.വി ശ്രീലത, സ്മിത സന്തോഷ്, സി.ഡി.എസ്. ചെയര്‍പേഴ്‌സണ്‍ സൗമ്യ ഹരിശ്ചന്ദ്രന്‍ എന്നിവര്‍ പങ്കെടുത്തു. സെപ്റ്റംബര്‍ മൂന്നിന് ഓണചന്ത സമാപിക്കും.
