ഇ-ഗ്രാന്റ്‌സ് പോസ്റ്റ് മെട്രിക് സ്‌കോളര്‍ഷിപ്പ്; മെയ് 20 വരെ അപേക്ഷിക്കാം
പട്ടികജാതി വികസന വകുപ്പിന്റെ 2024-2025 അധ്യയന വര്‍ഷത്തെ ഇ-ഗ്രാന്റ്‌സ് പോസ്റ്റ് മെട്രിക് സ്‌കോളര്‍ഷിപ്പിന് അപേക്ഷിക്കുന്നതിനുള്ള കാലാവധി നീട്ടി. മെയ് 20 വരെയാണ് കാലാവധി ദീര്‍ഘിപ്പിച്ചത്. 2024-25 അധ്യയന വര്‍ഷത്തെ അപേക്ഷ സമര്‍പ്പിക്കാനുള്ള അവസാന അവസരമാണിത്.
അര്‍ഹരായ എല്ലാ വിദ്യാര്‍ഥികളും അപേക്ഷ ഓണ്‍ലൈനായി സമര്‍പ്പിച്ചിട്ടുണ്ടെന്ന് സ്ഥാപന മേധാവികള്‍ ഉറപ്പുവരുത്തണം. ഫ്രഷ് / റിന്യൂവല്‍ അപേക്ഷകള്‍ മെയ് 20 നകം സ്ഥാപനങ്ങളില്‍ നിന്ന് പരിശോധിച്ച് ജില്ലാ പട്ടിക ജാതി വികസന ഓഫീസിലേക്ക് ഫോര്‍വേഡ് ചെയ്യണം. നിശ്ചയിക്കപ്പെട്ട സമയത്തിന് ശേഷം പോര്‍ട്ടല്‍ ക്ലോസ് ചെയ്യുമെന്നും അസിസ്റ്റന്റ് ജില്ലാ പട്ടികജാതി വികസന ഓഫീസര്‍ അറിയിച്ചു.
