വൈഫൈ നിറവില്‍ ചുള്ളിക്കാപറമ്പ് അങ്കണവാടി
വര്‍ണക്കൂട്ട് പദ്ധതിയുടെ ഭാഗമായി കൊടിയത്തൂര്‍ ഗ്രാമപഞ്ചായത്തിലെ ചുള്ളിക്കാപറമ്പ് ആലുങ്ങല്‍ അങ്കണവാടിയില്‍ വൈ ഫൈ കണക്ഷന്‍ ആരംഭിച്ചു. ആദ്യഘട്ടത്തില്‍ ആലുങ്ങല്‍ അങ്കണവാടിയില്‍ ആരംഭിച്ച പദ്ധതി പഞ്ചായത്തിലെ മറ്റ് 25 അങ്കണവാടികളിലും നടപ്പാക്കുമെന്ന് ഗ്രാമപഞ്ചായത്ത് പ്രസിഡന്റ് ഷംലൂലത്ത് പറഞ്ഞു. കുട്ടികളുടെപഠന മികവ് ഉയര്‍ത്തുക, കഴിവുകള്‍ പരിപോഷിപ്പിക്കുക, ഉന്നത പരീക്ഷകള്‍ എഴുതാന്‍ അവരെ പ്രാപ്തരാക്കുക തുടങ്ങിയ ലക്ഷ്യങ്ങളോടെയാണ് പദ്ധതി നടപ്പാക്കുന്നത്. ബി.എസ്.എന്‍.എല്ലുമായി സഹകരിച്ച് നടപ്പാക്കുന്ന പദ്ധതിയിലൂടെ കുട്ടികള്‍ക്കും അങ്കണവാടി ടീച്ചര്‍മാര്‍ക്കും ഏറെ ഉപകാരപ്രദമാവും.
