ഒത്തൊരുമയോടെ വികസനം പൂര്‍ത്തീകരിക്കും
പൊതുജനങ്ങളുടെ ബുദ്ധിമുട്ടുകള്‍ പരമാവധി പരിഹരിച്ച് എല്ലാവരും ഒത്തുചേര്‍ന്നുകൊണ്ട് അഴിയൂര്‍ -വെങ്ങളം ദേശീയപാത വികസനവും അഴിയൂര്‍ -തലശ്ശേരി ബൈപ്പാസ് നിര്‍മ്മാണവും പൂര്‍ത്തീകരിക്കുമെന്ന് പൊതുമരാമത്ത് ടൂറിസം വകുപ്പ് മന്ത്രി പി.എ മുഹമ്മദ് റിയാസ്. അഴിയൂരില്‍ ദേശീയപാത നിർമ്മാണത്തിന്റെ പുരോഗതി വിലയിരുത്തി സംസാരിക്കുകയായിരുന്നു മന്ത്രി.
കുഞ്ഞിപ്പളളി ഖബര്‍ സംരക്ഷണം, ടൗണ്‍ സംരക്ഷണം, ടോള്‍ പ്ലാസ വരുന്ന സ്ഥലത്തെ സര്‍വ്വീസ് റോഡ് സൗകര്യം, മടപ്പളളി കോളേജ് അടിപ്പാത, സുരക്ഷിതമായ ഓവുചാല്‍ സംവിധാനം തുടങ്ങിയ വിഷയങ്ങളും മന്ത്രി പൊതുജനങ്ങളുമായി ചര്‍ച്ച ചെയ്തു. മാഹി റെയില്‍വേ സ്റ്റേഷന് സമീപമുളള മേല്‍പാലം പണി വേഗത്തിലാക്കാൻ റെയിൽവേ അധികൃതരെ ഉൾപ്പെടുത്തി യോഗം ചേരുമെന്നും മന്ത്രി അറിയിച്ചു.
