സാമൂഹ്യനീതി വകുപ്പിന് കീഴിൽ ആലപ്പുഴ ജില്ലയിൽ പ്രവർത്തിച്ചു വരുന്ന ട്രാൻസിറ്റ് ഹോമിലെ സെക്യൂരിറ്റി ചീഫ് (വനിത), സെക്യൂരിറ്റി പേഴ്സൺ (വനിത) തസ്തികകളിലെ ഒഴിവിലേക്ക് അപേക്ഷ ക്ഷണിച്ചു. ഒരു വർഷത്തേക്ക് ഡെപ്യൂട്ടേഷൻ വ്യവസ്ഥയിൽ ആണ് നിയമനം.

സെക്യൂരിറ്റി ചീഫ് തസ്തികയിൽ ഒരൊഴിവാണുള്ളത്. യോഗ്യത: പോലീസ് വകുപ്പിൽ സബ് ഇൻസ്പെക്ടർ റാങ്കിൽ കുറയാത്ത ഒരു വനിതാ പോലീസ് ഉദ്യോഗസ്ഥയുടെ തസ്തികയ്ക്ക് തുല്യം. സെക്യൂരിറ്റി പേഴ്സണൽ തസ്തികയിൽ രണ്ട് ഒഴിവുകളുണ്ട്. യോഗ്യത: പോലീസ് വകുപ്പിലെ വനിത സിവിൽ ഓഫീസർ തസ്തികയ്ക്ക് തുല്യം. പ്രസ്തുത തസ്തികയിൽ സേവനമനുഷ്ഠിക്കുന്ന സംസ്ഥാന സർക്കാർ ജീവനക്കാർക്ക് അപേക്ഷ സമർപ്പിക്കാം. നിശ്ചിത മാതൃകയിലുള്ള അപേക്ഷയോടൊപ്പം മേലധികാരിയുടെ നിരാക്ഷേപ പത്രവും സഹിതം മേലധികാരി മുഖേന ആഗസ്റ്റ് 25 നകം അപേക്ഷ സമർപ്പിക്കണം