ജില്ലാ ലൈബ്രറി കൗണ്സലിന്റെ വായനാ പക്ഷാചരണത്തിന് തുടക്കമായി
ഇടുക്കി : ജില്ലാ ലൈബ്രറി കൗണ്സലിന്റെ ആഭിമുഖ്യത്തില് വായനാ പക്ഷാചരണത്തിന്റെ ജില്ലാ തല ഉദ്ഘാടനം പീരുമേട് എസ്എംഎസ് ക്ലബ്ബ് ആന്ഡ് ലൈബ്രറി ഹാളില് ഇ എസ് ബിജിമോള് എംഎല്എ നിര്വ്വഹിച്ചു. ലൈബ്രറി കൗണ്സില് ജില്ലാ പ്രസിഡന്റ് ആര് തിലകന് അധ്യക്ഷത വഹിച്ചു. പിഎന് പണിക്കര് അനുസ്മരണ പ്രഭാഷണവും നടത്തി. പീരുമേട് താലൂക്ക് ലൈബ്രറി കൗണ്സില് പ്രസിഡന്റ് നിഷാദ് വി ചന്ദ്രന്, സെക്രട്ടറി പി എന് മോഹനന്, ജോയിന്റ് സെക്രട്ടറി കെ ബി അഭിലാഷ്, എസ്എംഎസ് ക്ലബ്ബ് സെക്രട്ടറി വി എസ് പ്രസന്നന് തുടങ്ങിയവര് സംബന്ധിച്ചു. വായനാപക്ഷാചരണത്തിന്റെ ഭാഗമായി പീരുമേട് താലൂക്ക് ലൈബ്രറി കൗണ്സിലിന്റെ നേതൃത്വത്തില് വിവിധ പരിപാടികള് ആവിക്ഷക്കരിച്ചിട്ടുണ്ട്. ഇതിന്റെ ഭാഗമായി ജൂലൈ 5ന് പീരുമേട്ടില് സാഹിത്യ ക്വിസ് മത്സരം കോവിഡ് 19 മാനദണ്ഡങ്ങള് പാലിച്ച് നടത്തും. സ്കൂള് കോളേജ് വിദ്യാര്ത്ഥികള്ക്കും പൊതുജനങ്ങള്ക്കും മത്സരത്തില് പങ്കെടുക്കാം. എല്പി, യുപി, ഹൈസ്ക്കൂള് വിഭാഗങ്ങളില് മത്സരങ്ങള് നടത്തും. ഹയര്സെക്കണ്ടറി വിദ്യാര്ത്ഥികളും കോളേജ് വിദ്യാര്ത്ഥികളും ഒരു വിഭാഗമായി മത്സരിക്കണം. ഓരോ വിഭാഗത്തിലും താലൂക്ക് തലത്തില് ഒന്നാമതെത്തുന്ന ആള്ക്ക് 1001 രൂപയും രണ്ടാമതെത്തുന്നയാള്ക്ക് 751 രൂപയും സമ്മാനമായി ലഭിക്കും. വായനാപക്ഷാചരണത്തിന്റെ സമാപന പരിപാടികള് ജൂലൈ 7ന് കുമളി പളിയക്കുടി അക്ഷരജ്യോതി ട്രൈബല് ലൈബ്രറിയില് നടത്തും. അന്നേ ദിവസം അക്ഷരജ്യോതി ട്രൈബല് ലൈബ്രറിയുടെ സുഭിക്ഷകേരളം പദ്ധതിക്കും തുടക്കമാകും