കോഴിക്കോട് : ജില്ലയില്‍ ഇതുവരെ 22,395 പേര്‍ നിരീക്ഷണം പൂര്‍ത്തിയാക്കിയതായി ജില്ലാ മെഡിക്കല്‍ ഓഫീസര്‍ ഡോ. ജയശ്രീ. വി. അറിയിച്ചു. ഇന്നലെ (03.05) 340 പേരാണ് വീടുകളില്‍ നിരീക്ഷണം പൂര്‍ത്തിയാക്കിയത്. ഇപ്പോള്‍ 1047 പേര്‍ ജില്ലയില്‍ നിരീക്ഷണത്തിലുണ്ട്.  പുതുതായി വന്ന 13 പേര്‍ ഉള്‍പ്പെടെ 32 പേരാണ് ആശുപത്രിയില്‍ നിരീക്ഷണത്തിലുള്ളത്. 15 പേരെ ഡിസ്ചാര്‍ജ്ജ് ചെയ്തു. 

 ഇന്നലെ 129 സ്രവ സാംപിള്‍ പരിശോധനയ്ക്ക് അയച്ചിട്ടുണ്ട്. ആകെ 1912 സ്രവ സാംപിളുകള്‍ പരിശോധനയ്ക്ക് അയച്ചതില്‍ 1695 എണ്ണത്തിന്റെ ഫലം ലഭിച്ചു. ഇതില്‍ 1665 എണ്ണം നെഗറ്റീവ് ആണ്.  217 പേരുടെ ഫലം കൂടി ലഭിക്കാനുണ്ട്. ഇപ്പോള്‍ ഒരു തമിഴ്നാട് സ്വദേശിയും ഒരു കണ്ണൂര്‍ സ്വദേശിയുമുള്‍പ്പെടെ നാല് പേരാണ് കോവിഡ്19- പോസിറ്റീവായി മെഡിക്കല്‍ കോളേജില്‍  ചികിത്സയിലുള്ളത്. 

മാനസിക സംഘര്‍ഷം കുറയ്ക്കുന്നതിനായി മെന്റല്‍ ഹെല്‍ത്ത് ഹെല്‍പ്പ് ലൈനിലൂടെ 12 പേര്‍ക്ക് കൗണ്‍ിലിംഗ് നല്‍കി. കൂടാതെ 148 പേര്‍ക്ക് മാനസിക സംഘര്‍ഷം ലഘൂകരിക്കുന്നതിന്റെ ഭാഗമായി ഫോണിലൂടെ സേവനം നല്‍കി. 2615 സന്നദ്ധ സേന പ്രവര്‍ത്തകര്‍ 9406 വീടുകള്‍ സന്ദര്‍ശിച്ച് ബോധവല്‍ക്കരണം നടത്തി. സോഷ്യല്‍ മീഡിയയിലൂടെ ബോധവല്‍ക്കരണ പ്രവര്‍ത്തനങ്ങള്‍ തുടര്‍ന്നുവരുന്നു.