കുളത്തൂപ്പുഴ റിഹാബിലിറ്റേഷൻ പ്ലാന്റേഷൻ ലിമിറ്റഡ് എസ്റ്റേറ്റിൽ ടി ബി /എച്ച് ഐ വി /എൻ സി ഡി ബോധവത്കരണ-പരിശോധനാ ക്യാമ്പ് സംഘടിപ്പിച്ചു. കുളത്തൂപ്പുഴ ഗ്രാമപഞ്ചായത്ത് പ്രസിഡന്റ് സൈനബാ ബീവി ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ റംസാന സജിൻ അധ്യക്ഷയായി. ടിബി മുക്ത ഭാരത് ക്യാമ്പയിന്റെ ഭാഗമായി ജില്ലാ ടി ബി കേന്ദ്രവും പുനലൂർ ടി ബി യൂണിറ്റും ഐ സി ടി സിയും സംയുക്തമായി നടത്തിയ ക്യാമ്പിൽ 88 പേർ പങ്കെടുത്തു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ഡോ. സുഭിലാഷ് കുമാർ, പഞ്ചായത്ത് അംഗം കലാദേവി, ജില്ലാ ടിബി/എച്ച് ഐ വി നിയന്ത്രണ ഓഫീസർ ഡോ. എം സാജൻ മാത്യൂസ്, എസ്.ടി.എസ് ആർ അനന്ദു ഗോപാൽ, റിഹാബിലിറ്റേഷൻ പ്ലാന്റേഷൻ ലിമിറ്റഡ് അസിസ്റ്റന്റ് മാനേജർ കുമരേശൻ തുടങ്ങിയവർ പങ്കെടുത്തു.