'വികസനത്തില്‍ എ പ്ലസ്' സപ്ലിമെൻ്റ് പ്രകാശനം ചെയ്തു
കോഴിക്കോട് മുക്കം നഗരസഭ ഭരണസമിതിയുടെ നേതൃത്വത്തിൽ നടപ്പാക്കിയ വികസന പ്രവർത്തനങ്ങൾ ജനങ്ങള്‍ക്കിടയില്‍ എത്തിക്കുന്നതിനായി തയാറാക്കിയ 'വികസനത്തില്‍ എ പ്ലസ്' സപ്ലിമെന്റ് കാഞ്ചനമാലക്ക് നൽകി ലിന്‍റോ ജോസഫ് എംഎല്‍എ പ്രകാശനം ചെയ്തു. മുക്കം സഹകരണബാങ്ക് ഓഡിറ്റോറിയത്തില്‍ നടന്ന ചടങ്ങിൽ നഗരസഭ ചെയർപേഴ്സൺ പി.ടി ബാബു അധ്യക്ഷനായി. വൈസ് ചെയർപേഴ്സൺ കെ പി ചാന്ദിനി, സ്ഥിരം സമിതി അധ്യക്ഷരായ പ്രജിത പ്രദീപ്‌, സത്യനാരായണൻ മാസ്റ്റർ, യുവജന ക്ഷേമ ബോർഡ് അംഗം ദീപു പ്രേംനാഥ്, സിഡിഎസ് ചെയർപേഴ്സൺ രജിത, കെ ടി ശ്രീധരൻ, ഗോൾഡൻ ബഷീർ, വി അബ്ദുള്ളക്കോയ ഹാജി തുടങ്ങിയവർ സംസാരിച്ചു. കൗൺസിലർമാർ, ഹരിത കർമസേന അംഗങ്ങൾ, സിഡിഎസ് അംഗങ്ങൾ തുടങ്ങിയവർ പങ്കെടുത്തു.
