ഖാദി ഗ്രാമവ്യവസായ ബോർഡിന്റെ ആഭിമുഖ്യത്തിൽ വിഷു, ഈസ്റ്റർ ഖാദി മേള തുടങ്ങി. ഖാദി തുണിത്തരങ്ങൾക്ക് ഏപ്രിൽ 19 വരെ സ്പെഷ്യൽ റിബേറ്റ് ലഭിക്കും. ഖാദി ഗ്രാമവ്യവസായ ബോർഡിന്റെ ഇലന്തൂർ, അടൂർ റവന്യൂ ടവർ, അബാൻ ജംഗ്ഷൻ, റാന്നി-ചേത്തോങ്കര പ്രവർത്തിക്കുന്ന ഖാദി ഗ്രാമ സൗഭാഗ്യകളിലാണ് റിബേറ്റ്. കോട്ടൺ ഷർട്ടിംഗ്സ്, റെഡിമെയ്ഡ് ഷർട്ടുകൾ, സിൽക്ക് സാരികൾ, സിൽക്ക് ഷർട്ടുകൾ , ചുരിദാർ ടോപ്പുകൾ, ചുരിദാർ മെറ്റീരിയൽസ്, ബെഡ്ഷീറ്റുകൾ, പഞ്ഞിമെത്ത, തലയിണ, പില്ലോകവറുകൾ, ഗ്രാമവ്യവസായ ഉൽപന്നങ്ങൾ ലഭ്യമാണ്. 30 ശതമാനം വരെ റിബേറ്റ് ലഭിക്കുമെന്ന് പ്രൊജക്ട് ഓഫീസർ ജസി ജോൺ അറിയിച്ചു. ഫോൺ : ഇലന്തൂർ ഖാദി ടവർ -8113870434, അബാൻ ജംഗ്ഷൻ - 9744259922, അടൂർ റവന്യൂ ടവർ -9061210135, ചേത്തോങ്കര - റാന്നി - 8984553475.

ഖാദി മേളയുടെ ജില്ലാതല ഉദ്ഘാടനം ഇലന്തൂർ പഞ്ചായത്ത് അംഗം കെ.പി.മുകുന്ദൻ നിർവഹിച്ചു. ഖാദി ബോർഡ് അംഗം സാജൻ തൊടുക അധ്യക്ഷനായി.