ഇടുക്കി : വരള്‍ച്ചയുടെ സാഹചര്യത്തില്‍ ഏലച്ചെടികള്‍ക്കു കീടബാധയ്ക്കുള്ള സാഹചര്യം വളരെക്കൂടുതലായതിനാല്‍ കര്‍ഷകര്‍ മുന്‍കരുതലുകള്‍ സ്വീകരിക്കണമെന്ന് ഇന്ത്യന്‍ കാര്‍ഷിക ഗവേഷണ കേന്ദ്രം(ശാന്തന്‍പാറ) വിജ്ഞാന്‍ കേന്ദ്രം അറിയിച്ചു. താഴെപ്പറയുന്ന മുന്‍കരുതലുകള്‍ സ്വീകരിക്കാവുന്നതാണ്:

 ജലസേചന സൗകര്യം പരിമിതപ്പെടുത്തിയിരിക്കുന്ന ചെറിയ ഏലത്തോട്ടങ്ങളില്‍  വരള്‍ച്ച ഏറെ ബാധിക്കുന്നതിനാല്‍പിങ്ക്-പിഗ്മെന്റ്റഡ് ഫാക്കല്‍റ്റീവ് മെത്തിലോട്രോഫുകള്‍ (പിപിഎഫ്എം) 200 മില്ലി 100 ലിറ്റര്‍ വെള്ളത്തില്‍ കലക്കി തളിക്കുക.

 .കാര്‍ഡമോം ഇലപ്പേനുകള്‍ (സിയോത്രിപ്‌സ് ഏലക്കായ) നിയന്ത്രിക്കാന്‍  ക്വിനാല്‍ഫോസ് 25% ഇസി, @ 120 മില്ലി 100 ലിറ്റര്‍ വെള്ളത്തില്‍ ചേര്‍ത്ത് സ്‌പ്രേ ചെയുക.

സ്റ്റെം, പാനിക്കിള്‍ ബോറര്‍ (കോണോഗെറ്റ്‌സ് പങ്ക്ടിഫെറലിസ്) നിയന്ത്രിക്കാന്‍  ക്ലോറാന്‍ട്രാനിലിപ്രോള്‍ 18.5% എസ്സി @ 200 മില്ലി 100 ലിറ്റര്‍ വെള്ളത്തില്‍ കലക്കി സ്പ്രേ ചെയ്ത് കൊടുക്കുക.

.കാര്‍ഡമോം സ്‌കെയില്‍ (ലാകാസ്പിസ് എസ്പി.) നിയന്ത്രിക്കാന്‍ ഡൈമെത്തോയേറ്റ് 30 ഇ സി, @165 മില്ലി 100 ലിറ്റര്‍ വെള്ളത്തില്‍ ചേര്‍ത്ത് സ്‌പ്രേ ചെയ്യാവുന്നതാണ്.

 മണ്ണില്‍ പടരുന്ന ഫംഗസ് മൂലമുണ്ടാകുന്ന ഫ്യൂസേറിയം വില്‍റ്റ് (ഫ്യൂസാറിയം ഓക്‌സിസ്‌പോറം എഫ്. ുെ.,) നെ നിയന്ത്രിക്കാന്‍  സ്യൂഡോമോണസ് ഫ്‌ലൂറസെന്‍സ്  300 മില്ലി 100 ലിറ്റര്‍ വെള്ളത്തില്‍ കലക്കി  പ്രോഫൈലാക്റ്റിക് സ്‌പ്രേയിലൂടെ കൈകാര്യം ചെയ്യാന്‍ കഴിയും. കഠിനമായ പ്രശ്‌നം കാണുകയാണങ്കില്‍ ക്യാപ്റ്റന്‍ + ഹെക്‌സകോണസോള്‍ @ 150 ഗ്രാം 100 ലിറ്റര്‍ വെള്ളത്തില്‍ ചേര്‍ത്ത് രോഗബാധയുള്ള ഇലയില്‍ തളിക്കുക. സ്‌പ്രേ രാവിലെ 11 മണിക്ക് മുമ്പായിരിക്കണം.