ശ്രദ്ധേയമായി ദേശീയ ബാലചിത്രരചനാ മത്സരം
പത്തനംതിട്ട: ശിശു ക്ഷേമ സമിതിയുടെ ആഭിമുഖ്യത്തില് കോവിഡ് മാനദണ്ഡങ്ങള് പാലിച്ച് പത്തനംതിട്ട ജി.എച്ച്.എസ്.എസ് ആന്റ് വി.എച്ച്.എസ്.എസില് (തൈക്കാവ് സ്കൂളില്) നടത്തിയ ദേശീയ ബാലചിത്രരചനാ മത്സരം ശ്രദ്ധേയമായി. അഞ്ചു മുതല് ഒന്പതു വയസു വരെയുളള കുട്ടികളെ ഗ്രീന് ഗ്രൂപ്പിലും 10 മുതല് 16 വയസു വരെയുള്ളവരെ വൈറ്റ് ഗ്രൂപ്പിലും ഭിന്നശേഷിക്കാരായ അഞ്ചു മുതല് 10 വയസു വരെയുളളവരെ യെല്ലോ ഗ്രൂപ്പിലും 11 മുതല് 18 വരെ യുളളവരെ റെഡ് ഗ്രൂപ്പിലും ക്രമീകരിച്ചാണ് മത്സരം നടത്തിയത്. ശിശുക്ഷേമ സമിതി സംസ്ഥാന സമിതി അംഗം പ്രൊഫ. ടി.കെ.ജി നായര് മത്സരം ഉദ്ഘാടനം ചെയ്തു. ജില്ലാ ട്രഷറര് ഭാസ്കരന് നായര് അധ്യക്ഷത വഹിച്ചു. സംസ്ഥാന ശിശുക്ഷേമ സമിതി സൂപ്രണ്ട് ഷീബ ചിത്രരചനയുടെ തീം വിശദീകരിച്ചു.