കൊവിഡ് ജാഗ്രത; അടിമാലിയിലും കൂട്ടപരിശോധന
ഇടുക്കി: കൊവിഡ് രോഗികളുടെ എണ്ണമേറിയതോടെ അടിമാലി മേഖലയിലും ജാഗ്രത കടുപ്പിച്ചു. ചൊവ്വാഴ്ച്ച മാത്രം അടിമാലിയില് 60 പേര്ക്ക് രോഗബാധ സ്ഥിരീകരിച്ചു.കഴിഞ്ഞ പത്ത് ദിവസങ്ങള് കൊണ്ട് മാത്രം 175ഓളം ആളുകള് പഞ്ചായത്ത് പരിധിയില് രോഗബാധിതരായി. കൊവിഡ് വ്യാപന ആരംഭം മുതല് ഇതുവരെ പഞ്ചായത്ത് പരിധിയില് ആയിരത്തി അറുന്നൂറിലധികം ആളുകള്ക്ക് രോഗ ബാധ സംഭവിച്ചു. കൊവിഡ് രോഗികളുടെ എണ്ണമേറുന്ന സാഹചര്യത്തില് തുടര് നടപടികള് ചര്ച്ച ചെയ്യുവാന് വ്യാഴാഴ്ച്ച ഗ്രാമപഞ്ചായത്തധികൃതരുടെ നേതൃത്വത്തില് യോഗം ചേരുമെന്ന് ഗ്രാമപഞ്ചായത്ത് പ്രസിഡന്റ് ഷേര്ളി മാത്യു പറഞ്ഞു.സംസ്ഥാനത്താകെ നടക്കുന്ന കൂട്ടപരിശോധനയുടെ ഭാഗമായി അടിമാലിയിലും ആരോഗ്യവകുപ്പ് പരിശോധനാ ക്യാമ്പ് സംഘടിപ്പിച്ചു.ആന്റിജന് പരിശോധനക്കും ആര് ടി പി സി ആര് പരിശോധനക്കും ക്യാമ്പില് സൗകര്യം ക്രമീകരിച്ചിരുന്നു.പഞ്ചായത്തിലെ 11, 12, 13, 15, 17 വാര്ഡുകളില് രോഗബാധിതരുടെ എണ്ണം കൂടുതലുള്ളതായാണ് ആരോഗ്യപ്രവര്ത്തകര് നല്കുന്ന വിവരം. ഇന്ന്് (22) മുതല് 28 വരെ പഞ്ചായത്തിലെ തിരഞ്ഞെടുക്കപ്പെട്ട വാര്ഡുകള് തിരിച്ച് നിശ്ചിത എണ്ണം ആളുകള്ക്ക് വാക്സിന് വിതരണം സാധ്യമാക്കാനും ആരോഗ്യവകുപ്പ് തീരുമാനിച്ചിട്ടുണ്ട്.