പത്തുപേര്ക്ക് രോഗമുക്തി; ഒരാള്ക്ക് കൂടി കോവിഡ്
വയനാട് സ്വദേശി കോവിഡ് സ്ഥിരീകരിച്ച് തിരുവനന്തപുരത്ത് ചികിത്സയില്
വയനാട് : ജില്ലയില് ഒരാള്ക്ക് കൂടി കോവിഡ് സ്ഥിരീകരിച്ചു. 10 പേര് രോഗ മുക്തി നേടി. ജൂണ് 26 ന് കുവൈത്തില് നിന്ന് തിരുവനന്തപുരത്ത് എത്തിയ മേപ്പാടി സ്വദേശി 24 കാരനാണ് രോഗം സ്ഥിരീകരിച്ച് തിരുവനന്തപുരത്ത് ചികിത്സയിലുള്ളത്.
സാമ്പിള് പരിശോധന നെഗറ്റീവ് ആയതിനെ തുടര്ന്ന് 10 പേര് ആശുപത്രിയില് നിന്നു ഡിസ്ചാര്ജ് ആയി. നെന്മേനി സ്വദേശി (47 വയസ്സ്), മീനങ്ങാടി സ്വദേശി (56), കുഞ്ഞോം സ്വദേശി (40), വെള്ളമുണ്ട സ്വദേശി (47), മാനന്തവാടി സ്വദേശി (27), ചീക്കല്ലൂര് സ്വദേശിനി (24), അമ്പുകുത്തി സ്വദേശിനി (42), മൂപ്പൈനാട് സ്വദേശികളായ ഏഴു വയസുകാരന്, 33 കാരി, നൂല്പ്പുഴ സ്വദേശി (41) എന്നിവരാണ് രോഗ മുക്തി നേടിയത്.
നിലവില് രോഗം സ്ഥിരീകരിച്ച് 30 പേരാണ് മാനന്തവാടി ജില്ലാ ആശുപത്രിയില് ചികിത്സയില് കഴിയുന്നത്. മൂന്നുപേര് കോഴിക്കോട് മെഡിക്കല് കോളേജിലും ചികിത്സയിലുണ്ട്.
3697 പേര് നിരീക്ഷണത്തില്
കോവിഡ്19 മായി ബന്ധപ്പെട്ട് ജില്ലയില് ഇന്നലെ നിരീക്ഷണത്തിലായത് 188 പേര്. 214 പേര് നിരീക്ഷണ കാലം പൂര്ത്തിയാക്കി. ജില്ലയില് ഇപ്പോള് നിരീക്ഷണത്തിലുള്ളത് 3697 പേര്.41 പേര് മാനന്തവാടി ജില്ലാ ആശുപത്രിയിലും പട്ടികവര്ഗ്ഗ വിഭാഗത്തില്പെടുന്ന 313 പേരുള്പ്പെടെ 1808 പേര് വിവിധ കോവിഡ് കെയര് സെന്ററുകളിലുമാണ് നിരീക്ഷണത്തില് കഴിയുന്നത്.
ഇതുവരെ പരിശോധനയ്ക്കയച്ച 3311 സാമ്പിളുകളില് 2753 ന്റെ ഫലം ലഭിച്ചു. ഇതില് 2690 നെഗറ്റീവും 63 പോസിറ്റീവുമാണ്. 553 സാമ്പിളുകളുടെ ഫലം ലഭിക്കാനുണ്ട്.
ഇതുകൂടാതെ സാമൂഹ്യ വ്യാപനം പരിശോധിക്കുന്നതിന്റെ ഭാഗമായി ജില്ലയില് നിന്നും ആകെ 5147 സാമ്പിളുകള് പരിശോധനയ്ക്കായി അയച്ചിട്ടുണ്ട്. ഇതില് ഫലം ലഭിച്ച 4254 ല് 4219 നെഗറ്റീവും 35 പോസിറ്റീവുമാണ്.
ജില്ലാ കൊറോണ കണ്ട്രോള് റൂമില് നിന്ന് ജില്ലയിലെ കോവിഡ് കെയര് സെന്ററുകളിലും വീടുകളിലും നിരീക്ഷണത്തിലുള്ള 3062 പേരെ നേരിട്ട് വിളിച്ച് ആവശ്യമായ മാനസിക പിന്തുണയും ആരോഗ്യ സേവനങ്ങള്, മരുന്നുകള് എന്നിവയും ഉറപ്പുവരുത്തി.