പാലക്കാട് : കോവിഡ് - 19 ന്റെ പശ്ചാത്തലത്തിൽ തിരുവനന്തപുരം രാജീവ് ഗാന്ധി സെന്റർ ഫോർ ബയോടെക്നോളജി ഇൻസ്റ്റിറ്റ്യൂട്ടിലേക്ക് ഓഗ്‌മെന്റഡ് (വലിയ അളവിലുളള) പരിശോധനക്കായി അയച്ച ജില്ലയിലെ വിവിധ ഭാഗങ്ങളിൽ നിന്നുള്ള 195 സാമ്പിളുകളുടേയും പരിശോധനാ ഫലം നെഗറ്റീവായതായി ജില്ലാ മെഡിക്കൽ ഓഫീസർ (ആരോഗ്യം) അറിയിച്ചു. സംസ്ഥാന സർക്കാരിന്റെ മാനദണ്ഡങ്ങൾക്കനുസൃതമായാണ് സാമ്പിളുകൾ പരിശോധനയ്ക്ക് അയച്ചത്.

മാനദണ്ഡങ്ങൾ 

1. രോഗം സ്ഥീരികരിച്ചവരുടെ പ്രാഥമിക സമ്പർക്ക പട്ടികയിലുള്ളവർ.

2. കോവിഡ് കേന്ദ്രങ്ങളല്ലാത്ത ആശുപത്രികളിലെ ഡോക്ടർമാർ , നഴ്സുമാർ, പാരാമെഡിക്കൽ സ്റ്റാഫുകൾ.

3. ഫീൽഡിൽ പ്രവർത്തിക്കുന്ന ആരോഗ്യ പ്രവർത്തകർ, ഹെൽത്ത് ഇൻസ്പെക്ടർമാർ, പബ്ലിക്ക് ഹെൽത്ത് നഴ്സ്, ജൂനിയർ ഹെൽത്ത് ഇൻസ്പെക്ടർ, ജൂനിയർ പബ്ലിക് ഹെൽത്ത് നഴ്സ്, അങ്കണവാടി -ആശ വർക്കർമാർ തുടങ്ങിയവർ.

4. പ്രായമായവർ

5. കഴിഞ്ഞ 14 ദിവസത്തിനുള്ളിൽ ഇതരസംസ്ഥാന യാത്രകൾ നടത്തിയവർ

6. ഗർഭിണികൾ

7. നിരീക്ഷണത്തിലുള്ള ഡയബറ്റിക് ,ഹൈപ്പർ ടെൻഷൻ, കിഡ്നി ,ഹൃദയസംബന്ധ രോഗമുള്ള 30 വയസ്സിന് മുകളിലുള്ളവർ

8. രോഗം സ്ഥിരീകരിച്ചവരുടെ ക്വാറൻ്റയ്നിലുള്ള സെക്കന്ററി സമ്പർക്ക പട്ടികയിൽ ഉൾപ്പെട്ടവർ.

9. ക്വാറൻ്റയ്നിലുള്ള യാത്രക്കാരുടെ സമ്പർക്കത്തിലുള്ളവർ

10. തദ്ദേശ സ്വയം ഭരണസ്ഥാപനങ്ങളിലെ പ്രധാന പ്രവർത്തകർ, പോലീസ്, വിവിധ കടകളിലെ ജീവനക്കാർ, മാർക്കറ്റ് ഇടങ്ങളിലെ ജീവനക്കാർ

ജില്ലയിൽ നിന്നും പരിശോധനയ്ക്കായി അയച്ച സാമ്പിളുകൾ ഉൾപ്പെട്ട പ്രദേശങ്ങൾ

കോട്ടോപ്പാടം, കാഞ്ഞിരപ്പുഴ, മണ്ണാർക്കാട്,അലനല്ലൂർ, കല്ലടിങ്കോട്, വിളയൂർ, തൃക്കടേരി, നെല്ലായ, വാണിയംകുളം, കുഴൽമന്ദം, പാലക്കാട് നഗരസഭ പരിധി, കോട്ടായി, കിഴക്കഞ്ചേരി, അകത്തേത്തറ, മാത്തൂർ, പെരിങ്ങോട്ടുകുറിശ്ശി, എരുമയൂർ, പുതുശ്ശേരി, പുതുപ്പരിയാരം എന്നിവിടങ്ങളിൽ നിന്നായി 130 ഓളം സാമ്പിളുകളും ജില്ലയിലെ മറ്റ് വിവിധ ഇടങ്ങളിൽ നിന്നായി 65 ഓളം സാമ്പിളുകൾ ഉൾപ്പെടെ 195 സാമ്പിളുകളാണ് ഓഗ് മെന്റഡ് പരിശോധനയ്ക്കായി അയച്ചത്.