അവശ്യ വസ്തുക്കള്‍ വില്‍ക്കുന്ന കടകള്‍ വൈകിട്ട് 7 മണി വരെ തുറക്കാം
ആലപ്പുഴ: ഭക്ഷ്യ വസ്തുക്കളും പഴം-പച്ചക്കറി തുടങ്ങിയവ ഉള്‍പ്പെടെയുള്ള എല്ലാ അവശ്യ വസ്തുക്കളും വില്‍ക്കുന്ന കടകള്‍ രാവിലെ 7 മണി മുതല്‍ വൈകിട്ട് 7 മണിവരെ പ്രവര്‍ത്തിക്കാമെന്ന് ജില്ലാ കലക്ടര്‍ അറിയിച്ചു. ഉപഭോക്താക്കള്‍ക്ക് സോപ്പ് ഉപയോഗിച്ച് കൈ കഴുകാന്‍ ഉള്ള സൗകര്യവും സാനിറ്റൈസര്‍ ഉപയോഗത്തിനുള്ള സൗകര്യവും സാമൂഹിക അകലം പാലിക്കാന്‍ ഉള്ള സംവിധാനവും ഉണ്ടായിരിക്കണം.
തുറക്കാന്‍ അനുവദനീയമല്ലാത്തവ
- വിദ്യാഭ്യാസ സ്ഥാപനങ്ങള്‍, പരിശീലന കേന്ദ്രങ്ങള്‍, പാര്‍ക്കുകള്‍, ജിംനേഷ്യങ്ങള്‍, കായികകേന്ദ്രങ്ങള്‍, വിനോദകേന്ദ്രങ്ങള്‍, ആഡിറ്റോറിയങ്ങള്‍, അസംബ്ലിഹാളുകള്‍
- സാമൂഹ്യ, രാഷ്ട്രീയ, കായിക, വിനോദ, വിദ്യാഭ്യാസ, സാംസ്‌കാരിക, ആത്മീയ കൂട്ടായ്മകളും മറ്റ് കൂടിച്ചേരലുകളും.
- അങ്കണവാടികള്‍ (പോഷകാഹാര വിതരണം 15 ദിവസത്തിലൊരിക്കല്‍ വീടുകളില്‍)
- ബാര്‍ബര്‍ ഷോപ്പുകള്‍
- ലേഡിസ്റ്റോറുകള്‍
- ബ്യൂട്ടി പാര്‍ലറുകള്‍
- ടെക്സ്റ്റൈലുകള്‍
- സ്റ്റുഡിയോകള്‍
- ചെരിപ്പുകടകള്‍
- ജൂസ് കടകള്‍
- തട്ടുകടകള്‍
- തയ്യല്‍ക്കടകള്‍
- ചായയും പാനിയങ്ങളും വില്‍ക്കുന്ന പെട്ടിക്കടകള്‍
- റോഡരികില്‍ എണ്ണയില്‍ വറുത്ത് നല്‍കുന്ന ഭക്ഷ്യവസ്തുക്കളുടെ വില്പന
- സ്വര്‍ണ്ണ കടകള്‍
- പുകയിലയുടെ ഉപയോഗവുംവില്പനയും
- ഫോട്ടോകോപ്പി/പ്രിന്റിംഗ് കടകള്‍
- ഇന്റര്‍നെറ്റ് കഫെകള്‍
