എടക്കാട് മത്സ്യഗ്രാമം തെറമ്മൽ ഫിഷ് ലാന്റിംഗ് സെന്ററിൽ 'അറിവ്' ബോധവൽക്കരണ പരിപാടി സംഘടിപ്പിച്ചു. മുഴപ്പിലങ്ങാട് ഗ്രാമപഞ്ചായത്ത് പ്രസിഡന്റ് പി.എം അതുൽ ഉദ്ഘാടനം ചെയ്തു. വൈസ് പ്രസിഡന്റ് കെ.വി നിമിഷ അധ്യക്ഷയായി.

സാമൂഹ്യ സുരക്ഷ പദ്ധതികൾ, കെസിസി, മത്സ്യബോർഡ് ക്ഷേമനിധി ആനുകൂല്യങ്ങൾ എന്നീ വിഷയങ്ങളിൽ കണ്ണൂർ ഫിനാൻഷ്യൽ ലിറ്ററസി ഫോറം പ്രതിനിധികളായ സന്തോഷ്, സംഗീത, റീജിയണൽ എക്സിക്യൂട്ടീവ് രാജേഷ് എന്നിവർ ക്ലാസെടുത്തു. മത്സ്യഫെഡ് ആനുകൂല്യങ്ങളെക്കുറിച്ച് പ്രൊജക്ട് ഓഫീസർ അനുശ്രീ വിശദീകരിച്ചു. കേരള സമുദ്ര മത്സ്യബന്ധന നിയമങ്ങളെക്കുറിച്ചും തീരസുരക്ഷയെക്കുറിച്ചും സാഫ് മുഖേന നടപ്പിലാക്കുന്ന പദ്ധതികളെക്കുറിച്ചും തലശ്ശേരി മത്സ്യഭവൻ ഫിഷറീസ് എക്സ്റ്റൻഷൻ ഓഫീസർ എ.കെ സംഗീത വിശദീകരിച്ചു. 60 പേർ ബോധവൽക്കരണ ക്ലാസ്സിൽ പങ്കെടുത്തു.

മുഴപ്പിലങ്ങാട് ഗ്രാമപഞ്ചായത്ത് അംഗങ്ങളായ ബേബി ഷാന, ടി.കെ റഹീന, രാജേഷ് കുനിയിൽ, ഫിഷറീസ് ഓഫീസർ എസ് സീന എന്നിവർ സംസാരിച്ചു.