ജനുവരി 25 ന് നടക്കുന്ന സാക്ഷരതാ പരീക്ഷക്ക് ജില്ലയിൽ മുന്നൊരുക്ക പ്രവർത്തനങ്ങൾ തുടങ്ങി. ഇതിന്റെ ഭാഗമായി ന്യൂ ഇന്ത്യ ലിറ്ററസി പ്രോഗ്രാം (ഉല്ലാസ്) നടപ്പിലാക്കുന്ന തമിഴ് മേഖലകളിലെ ഇൻസ്ട്രക്ടർമാർക്ക് മേഖലാ തലത്തിൽ പരിശീലനം നൽകി. മൂന്നാർ പഞ്ചായത്ത് ഹാളിൽ സംഘടിപ്പിച്ച പരിശീലന പരിപാടിയിൽ അടിമാലി , മൂന്നാർ, ബൈസൺവാലി, ചിന്നക്കനാൽ. ദേവികുളം, മാങ്കുളം, രാജകുമാരി പഞ്ചായത്തുകളിലെ ഇൻസ്ട്രക്ടർമാർ പങ്കെടുത്തു മൂന്നാർ പഞ്ചായത്ത് വൈസ് പ്രസിഡന്റ് എ ലക്ഷ്മി, സാക്ഷരതാ മിഷൻ ജില്ലാ കോ-ഓർഡിനേറ്റർ പി എം അബ്ദുൾകരീം, വിനു പി ആന്റണി, ഡെയ്സി ജോസഫ്, ഏലിയാമ്മ ജോയി എന്നിവർ പരിശീലത്തിന് നേതൃത്വം നൽകി.

തദ്ദേശസ്വയം ഭരണ വകുപ്പിന്റെ നേതൃത്വത്തിൽ സാക്ഷരത മിഷൻ ജില്ലയിലെ 18 ഗ്രാമപഞ്ചായത്തുകളിൽ നടപ്പിലാക്കുന്ന പദ്ധതിയിൽ 6000 നിരക്ഷരരെ മലയാളത്തിൽ സാക്ഷരരാക്കും.