ഗാന്ധിജി ക്വിസ് വിജയികള്‍ക്ക് ഇടുക്കി ജില്ലാ കളക്ടര്‍ ഡോ. ദിനേശന്‍ ചെറുവാട്ട് സമ്മാനം വിതരണം ചെയ്തു
ഗാന്ധി ജയന്തിയോടനുബന്ധിച്ച് ഇടുക്കി ജില്ലാ ഭരണകൂടവും ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പും സംയുക്തമായി സ്‌കൂള്‍ വിദ്യാര്‍ഥികള്‍ക്കായി സംഘടിപ്പിച്ച ഓണ്‍ലൈന്‍ ഗാന്ധിജി ക്വിസ് മല്‍സര വിജയികള്‍ക്ക് ജില്ലാ കളക്ടര്‍ ഡോ. ദിനേശന്‍ ചെറുവാട്ട് സമ്മാനവിതരണം നടത്തി. മത്സരത്തില്‍ പങ്കെടുത്ത വിദ്യാര്‍ഥികളില്‍ ശരിയുത്തരം അയച്ചവരില്‍ നിന്നും ഓരോ വിഭാഗങ്ങളില്‍ നിന്ന് മൂന്നു പേരെയാണ് നറുക്കെടുപ്പിലൂടെ തെരഞ്ഞെടുത്തത്. യുപി, ഹൈസ്‌കൂള്‍, ഹയര്‍ സെക്കന്‍ഡറി വിഭാഗങ്ങളിലായാണ് ഓണ്‍ലൈന്‍ ക്വിസ് സംഘടിപ്പിച്ചത്.
ഹയര്‍ സെക്കന്ററി വിഭാഗത്തില്‍ നിന്നും വണ്ടിപ്പെരിയാര്‍ പി. എച്ച്. എസ്. സ്‌കൂളിലെ മനീഷ എം., കഞ്ഞിക്കുഴി നങ്കിസിറ്റി എസ്.എന്‍.എച്ച്.എസ്. സ്‌കൂളിലെ പൂജ ആര്‍. നായര്‍, മുതലക്കോടം സെന്റ്. ജോര്‍ജ് എച്ച് എസ് സ്‌കൂളിലെ ഹെവന്‍ഡ്രിയ ലിഖിയ സാന്റോ എന്നിവരാണ് വിജയികളായത്.
ഹൈസ്‌കൂള്‍ വിഭാഗത്തില്‍ കുമളി അട്ടപ്പള്ളം സെന്റ്. തോമസ് ഇ. എം. എച്ച്. എസ് സ്‌കൂളിലെ മഹാലക്ഷ്മി ജി., വണ്ടിപ്പെരിയാര്‍ പി. എച്ച്. എസ് സ്‌കൂളിലെ എം. മധുമിത, ഇരട്ടയാര്‍ സെന്റ് തോമസ് എച്ച്. എസിലെ ബെനറ്റ് ബിജു എന്നിവരാണ് വിജയികളായത്.
യു.പി. സ്‌കൂള്‍ വിഭാഗത്തില്‍ ഇരട്ടയാര്‍ സെന്റ് തോമസ് എച്ച്. എസിലെ അഭിനവ് പ്രസാദ്, കഞ്ഞിക്കുഴി റോസ്മെഡ് ഇന്റര്‍നാഷണല്‍ സ്‌കൂളിലെ ജിയാ ജോര്‍ജ്, വെള്ളയാംകുടി സെന്റ് ജെറോംസ് യു. പി സ്‌കൂളിലെ ജിയോണ ജെയിംസ് എന്നിവരാണ് വിജയികളായത്.
