മുനമ്പം റിപ്പോർട്ടിൽ തുടർനടപടിക്ക് സർക്കാർ
മുനമ്പം വിഷയവുമായി ബന്ധപ്പെട്ട് സർക്കാർ നിയോഗിച്ച ജസ്റ്റിസ് രാമചന്ദ്രൻ നായർ കമ്മീഷൻ റിപ്പോർട്ട് സർക്കാരിന് ലഭിച്ചതായും റിപ്പോർട്ടിന്മേൽ തുടർ നടപടി സ്വീകരിക്കുന്നതിന് ഹൈക്കോടതിയുടെ അനുമതി ലഭിച്ചിട്ടുണ്ടെന്നും മുഖ്യമന്ത്രി വാർത്താ സമ്മേളനത്തിൽ പറഞ്ഞു. ഈ സാഹചര്യത്തിൽ, കമ്മീഷൻ റിപ്പോർട്ടിലെ ശിപാർശകൾ വിശദമായി പരിശോധിച്ച് തുടർ നടപടികൾ കൈക്കൊള്ളുന്ന കാര്യം മന്ത്രിസഭ ചർച്ച ചെയ്ത് തീരുമാനിക്കും. ബന്ധപ്പെട്ട മന്ത്രിമാരും ചീഫ് സെക്രട്ടറിയും അഡ്വക്കേറ്റ് ജനറലും യോഗത്തിൽ പങ്കെടുത്തിരുന്നതായും മുഖ്യമന്ത്രി അറിയിച്ചു.
