വേറിട്ട പരിപാടികളോടെ ഗാന്ധിജയന്തി വാരാഘോഷത്തിന് സമാപനം
ഗാന്ധിജയന്തി വാരാഘോഷത്തിന്റെ സമാപന സമ്മേളനം കൊല്ലം ജില്ലാ കളക്ടർ എന്‍. ദേവിദാസ് ഉദ്ഘാടനം ചെയ്തു.
ജില്ലാ ഭരണകൂടം, ജില്ലാ ഇന്‍ഫര്‍മേഷന്‍ ഓഫീസ്, കൊല്ലം ബാര്‍ അസോസിയേഷന്‍, കേരള യൂത്ത് പ്രൊമോഷന്‍ കൗണ്‍സില്‍ എന്നിവയുടെ ആഭിമുഖ്യത്തില്‍ വാരാഘോഷത്തിന്റെ ഭാഗമായി ബാര്‍ അസോസിയേഷന്‍ ഹാളില്‍ മത്സരങ്ങൾ അരങ്ങേറി.
ബാര്‍ അസോസിയേഷന്‍ പ്രസിഡന്റ് പി.ബി. ശിവന്‍ അധ്യക്ഷനായി. സെക്രട്ടറി കെ. ബി. മഹേന്ദ്ര മുഖ്യപ്രഭാഷണം നടത്തി. ജില്ലാ ഇന്‍ഫര്‍മേഷന്‍ ഓഫീസര്‍ എല്‍. ഹേമന്ത് കുമാര്‍, കേരള യൂത്ത് പ്രൊമോഷന്‍ കൗണ്‍സില്‍ ചെയര്‍മാന്‍ സമുന്‍ജിത്ത് മിഷ എന്നിവര്‍ സംസാരിച്ചു. ക്വിസ് മത്സരവിജയികളായ റവന്യു വകുപ്പ് ജീവനക്കാരായ അഖില വിജയന്‍, ഹരിപ്രിയ, ട്രഷറിയിലെ രതീഷ് ചന്ദ്രന്‍ എന്നിവര്‍ക്ക് ജില്ലാ കലക്ടര്‍ സാഹിത്യകൃതികള്‍ സമ്മാനിച്ചു.
