വിവര പൊതുജന സമ്പർക്ക വകുപ്പിന് കീഴിൽ ഇൻഫർമേഷൻ ഹബ് ആരംഭിക്കുന്നു
വിവര പൊതുജന സമ്പർക്ക വകുപ്പിന് കീഴിൽ തിരുവനന്തപുരം ടാഗോർ തിയേറ്റർ ക്യാമ്പസ്സിൽ സംസ്ഥാന ഇൻഫർമേഷൻ ഹബ് പ്രവർത്തനം ആരംഭിക്കുന്നു. വകുപ്പിന്റെ റിസർച്ച് ആൻഡ് റഫറൻസ്, സാമൂഹിക മാധ്യമ വിഭാഗങ്ങൾ തുടങ്ങിയവ ആണ് പുതിയ ഇരുനില കെട്ടിടത്തിൽ പ്രവർത്തന സജ്ജമാവുന്നത്. സെപ്റ്റംബർ 30 ന് വൈകിട്ട് 5:30 ന് മുഖ്യമന്ത്രി പിണറായി വിജയൻ ഹബ് ഉദ്ഘാടനം ചെയ്യും. ഐ & പി ആർ ഡി സ്പെഷ്യൽ സെക്രട്ടറി ഡോ. എസ്.കാർത്തികേയൻ, വകുപ്പ് ഡയറക്ടർ ടി.വി. സുഭാഷ് തുടങ്ങിയവർ ചടങ്ങിൽ പങ്കെടുക്കും.
