ഇടുക്കിയിൽ കർഷകരുടെ സിറ്റിംഗ് നടത്തും
സംസ്ഥാന കർഷക കടാശ്വാസ കമ്മീഷൻ ഇടുക്കിയിലെ കർഷകരുടെ സിറ്റിംഗ് നടത്തും. ഇടുക്കി ചെറുതോണിയിൽ ഉള്ള ജില്ലാ വ്യാപാര ഭവനിൽ വച്ച് സെപ്റ്റംബർ 16,17,18 തീയതികളിലാണ് സിറ്റിംഗ് നടത്തുന്നത്. സിറ്റിംഗിൽ ചെയർമാൻ ജസ്റ്റിസ് (റിട്ട.) അബ്രഹാം മാത്യുവും കമ്മീഷൻ അംഗങ്ങളും പങ്കെടുക്കും. അന്നേ ദിവസങ്ങളിൽ രാവിലെ 9 ന് സിറ്റിംഗ് ആരംഭിക്കും.
ഈ തീയതികളിൽ ഹാജരാകുന്നതിനായി അപേക്ഷകർക്കും ധനകാര്യ സ്ഥാപനങ്ങൾക്കും നോട്ടീസ് അയച്ചിട്ടുണ്ട്. ഹിയറിംഗിന് ഹാജരാകുവാൻ നോട്ടീസ് ലഭിച്ചവർ ആവശ്യമായ രേഖകൾ സഹിതം കൃത്യ സമയത്ത് ഹാജരാകണം.
