ഓണാഘോഷകാലത്തു സംസ്ഥാനത്ത് വാഹനാപകടകങ്ങള്‍ വര്‍ധിക്കുന്ന പ്രവണത മുന്‍നിര്‍ത്തി കേരളത്തിലെ വാഹനയാത്രക്കാര്‍ ചുവടെ പറയുന്ന നിര്‍ദ്ദേശങ്ങള്‍ പാലിക്കേണ്ടതാണെന്നു കേരള പോലീസ് ട്രാഫിക് & റോഡ് സേഫ്റ്റി മാനേജ്മെന്‍റ് അറിയിച്ചു.

അമിതവേഗം, അശ്രദ്ധമായ ഓവര്‍ടെയ്ക്കിങ് ഒഴിവാക്കുക.

ലഹരി പദാര്‍ത്ഥങ്ങള്‍ ഉപയോഗിച്ചു വാഹനം ഓടിക്കരുത്.

ഹെല്‍മറ്റ്, സീറ്റ് ബെല്‍റ്റ് എന്നിവ നിര്‍ബന്ധമായും ധരിക്കുക.

ലെയിന്‍ ട്രാഫിക് നിയമം പാലിക്കുക.

നിഷ്കര്‍ഷിച്ചിരിക്കുന്ന സ്ഥലങ്ങളില്‍ മാത്രം വാഹനങ്ങള്‍ പാര്‍ക്ക് ചെയ്യുക.

കഴിഞ്ഞ വര്‍ഷം ഓണക്കാലത്തെ പത്ത് ദിവസത്തെ ഓണാഘോഷ വേളയില്‍ സംസ്ഥാനത്ത് 1629 റോഡ് അപകടങ്ങള്‍ റിപ്പോര്‍ട്ട് ചെയ്യപ്പെട്ടു. അവയില്‍ 161 പേര്‍ മരണപ്പെടുകയും 1261 പേര്‍ക്ക് ഗുരുതര പരിക്കുകള്‍ സംഭവിക്കുകയും ചെയ്തു. ഈ ഓണക്കാലം ജീവനും സുരക്ഷയും മുന്‍നിര്‍ത്തി ഉത്തരവാദിത്വത്തോടെ ഓണം ആഘോഷിക്കാം. നിരത്തുകളിലെ തിരക്ക് മനസ്സിലാക്കി, ഗതാഗത നിയമങ്ങള്‍ പാലിച്ച്, ജാഗ്രതയോടെ പെരുമാറി എല്ലാപേരുടെയും ജീവന്‍ സുരക്ഷിതമാക്കാം.

നിരത്തുകളില്‍ നിയമലംഘനം ശ്രദ്ധയില്‍പെട്ടാല്‍ റോഡ് സുരക്ഷാ മാനേജ്മെന്‍റിന്‍റെ ശുഭയാത്ര പദ്ധതിയുടെ വാട്സാപ്പ് നമ്പരായ 9747001099ല്‍ അറിയിക്കാവുന്നതാണ്.