സൗജന്യ പരിശീലനം അപേക്ഷ തീയതി നീട്ടി
കോഴിക്കോട്: പട്ടികജാതി വികസന വകുപ്പിനുവേണ്ടി സി-ഡിറ്റ് നടപ്പിലാക്കുന്ന സൈബര്ശ്രീയില് 20നും 26നും മദ്ധ്യേ പ്രായമുള്ള പട്ടികജാതി വിഭാഗത്തില്പ്പെട്ട വിദ്യാര്ത്ഥികളില് നിന്നും വിവിധ പരിശീലനങ്ങളിലേക്ക് അപേക്ഷ ക്ഷണിച്ചു. പൈത്തണ് പ്രോഗ്രാമിംഗ്: നാല് മാസത്തെ പരിശീലനത്തിന് തെരഞ്ഞെടുക്കപ്പെടുന്നവര്ക്ക് പ്രതിമാസം 5,500 രൂപ സ്റ്റൈപന്റായി ലഭിക്കും. ബി.ടെക്/എം.സി.എ./എം.എസ്.സി. കംപ്യൂട്ടര് സയന്സ് കോഴ്സ് പൂര്ത്തീകരിച്ചവര്ക്ക് അപേക്ഷിക്കാം.
ഐ.ടി. ഓറിയന്റഡ് സോഫ്റ്റ് സ്കില് ഡെവലപ്മെന്റ് ട്രെയിനിംഗ്: മൂന്ന് മാസത്തെ പരിശീലനത്തിന് തെരഞ്ഞെടുക്കപ്പെടുന്നവര്ക്ക് പ്രതിമാസം 5,500 രൂപ സ്റ്റൈപന്റായി ലഭിക്കും. ഏതെങ്കിലും വിഷയത്തില് ബിരുദമുള്ളവര്ക്കോ, ബി.ഇ./ബി.ടെക്./എം.സി.എ./എം.എസ്.സി. കംപ്യൂട്ടര് സയന്സ് കോഴ്സ് പൂര്ത്തീകരിച്ചവര്ക്കോ അപേക്ഷിക്കാം. ഐ.ടി. ബേയ്സ്ഡ് ബിസിനസ് മാനേജെന്റ്: ആറ് മാസത്തെ പരിശീലനത്തിന് തെരഞ്ഞെടുക്കപ്പെടുന്നവര്ക്ക് പ്രതിമാസം 5,500 രൂപ സ്റ്റൈപന്റായി ലഭിക്കും. ഏതെങ്കിലും വിഷയത്തില് ബിരുദമുള്ളവര്ക്കോ ബി.ഇ./ബി.ടെക്/ എം.സി.എ./എം.എസ്.സി. കംപ്യൂട്ടര് സയന്സ് കോഴ്സ് പൂര്ത്തീകരിച്ചവര്ക്കോ അപേക്ഷിക്കാം.
വിഷ്വല് ഇഫക്ട്സ് ആന്റ് ആനിമേഷന് ഇന് ഫിലിം ആന്റ് വിഷല്മീഡീയ: ആറ് മാസത്തെ പരിശീലനത്തിന് തെരഞ്ഞെടുക്കപ്പെടുന്നവര്ക്ക് പ്രതിമാസം 5,500 രൂപ സ്റ്റൈപന്റായി ലഭിക്കും. ഏതെങ്കിലും വിഷയത്തില് ബിരുദം/ബി.എഫ്.എ. പാസ്സായവര്ക്കോ ബി.ടെക്/എം.സി.എ/എം.എസ്.സി. കംപ്യൂട്ടര് സയന്സ് കോഴ്സ് പൂര്ത്തീകരിച്ചവര്ക്കോ അപേക്ഷിക്കാം.
വിശദവിവരങ്ങളും അപേക്ഷാ ഫോമും www.cybesrri.org എന്ന വെബ്സൈറ്റില് ലഭ്യമാണ്. വിദ്യാഭ്യാസ യോഗ്യത, വയസ്സ്, ജാതി എന്നിവ തെളിയിക്കുന്നതിനുള്ള സര്ട്ടിഫിക്കറ്റുകള് സഹിതം അപേക്ഷകള് മാര്ച്ച് അഞ്ചിനകം സൈബര്ശ്രീ സെന്റര്, അംബേദ്കര് ഭവന്, മണ്ണന്തല പി.ഒ., തിരുവനന്തപുരം - 695015 എന്ന വിലാസത്തില് ലഭിക്കണം. പൂരിപ്പിച്ച അപേക്ഷകള് യോഗ്യത സര്ട്ടിഫിക്കറ്റുകളുടെ പകര്പ്പ് സഹിതം cybesrrtiraining@gmail.com എന്ന വിലാസത്തിലേക്ക് ഇമെയില് അയക്കാം. ഫോണ്: 0471 2933944, 9447401523, 9947692219.