ലഹരിക്കെതിരെ കണ്ണൂർ ജില്ലാ ലൈബ്രറി കൗൺസിലിന്റെ അക്ഷര വെളിച്ചം
കണ്ണൂർ ജില്ലാ ലൈബ്രറി കൗൺസിലിന്റെ ആഭിമുഖ്യത്തിൽ മാർച്ച് 20ന് ലഹരിക്കെതിരെ അക്ഷര വെളിച്ചം തെളിക്കുന്നു. ജില്ലയിലെ ഗ്രന്ഥശാലകളിലും പരിസരത്തുള്ള വീടുകളിലും ദീപം തെളിച്ചാണ് ലഹരിക്കെതിരെ അക്ഷരവെളിച്ചം പരിപാടി സംഘടിപ്പിക്കുന്നത്. തുടർന്നുള്ള ദിവസങ്ങളിൽ കൂട്ടയോട്ടം, ഫ്ളാഷ് മോബ് മറ്റ് കായികപരിപാടികളും സംഘടിപ്പിക്കും. യോഗത്തിൽ ലൈബ്രറി കൗൺസിൽ ജില്ലാ പ്രസിഡന്റ് മുകുന്ദൻ മഠത്തിൽ അധ്യക്ഷത വഹിച്ചു. ജില്ലാ സെക്രട്ടറി പി.കെ.വിജയൻ, സംസ്ഥാന എക്സി.അംഗം എം.കെ.രമേഷ്‌കുമാർ, ടി. പ്രകാശൻ, വി.കെ.പ്രകാശിനി, കെ. ശിവകുമാർ, രഞ്ജിത്ത്കമൽ, എം.ബാലൻമാസ്റ്റർ, വി.സി. അരവിന്ദാക്ഷൻ, പവിത്രൻ മൊകേരി, ഇ.പി.ആർ.വേശാല എന്നിവർ സംസാരിച്ചു.
