കേരളത്തിൽ വ്യാപക മഴയ്ക്ക് സാധ്യത
തെക്കേ ഇന്ത്യക്ക്‌ മുകളിൽ ബംഗാൾ ഉൾക്കടലിൽ നിന്നും വീശുന്ന വടക്ക് കിഴക്കൻ കാറ്റിന്റെ ഫലമായി നവംബർ 12 മുതൽ 18 വരെ കേരളത്തിൽ വ്യാപകമായി മഴയ്ക്ക് സാധ്യത. നവംബർ 14,15 തീയതികളിൽ ഇടിമിന്നലിനും ശക്തമായ കാറ്റിനും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. തെക്ക് കിഴക്കൻ ബംഗാൾ ഉൾകടലിൽ നവംബർ 14 ഓടെ രൂപപ്പെടുന്ന ന്യൂനമർദ്ദം നവംബർ 16 ഓടെ മധ്യബംഗാൾ ഉൾകടലിൽ തീവ്ര ന്യൂനമർദ്ദമായി ശക്തി പ്രാപിക്കാൻ സാധ്യതയുണ്ട്.
