തിരുവനന്തപുരം: ബംഗാൾ ഉൾക്കടൽ ന്യൂന മർദ്ദം തീവ്രന്യൂന മർദ്ദമായി ശക്തി പ്രാപിച്ചതിനാൽ കേരളത്തിൽ 5,6,7 തീയതികളിൽ ഒറ്റപ്പെട്ട മഴക്ക് സാധ്യത. തെക്കൻ ബംഗാൾ ഉൾകടലിൽ നിലനിന്നിരുന്ന ന്യൂന മർദ്ദം ബുധനാഴ്ച രാവിലെയോടെയാണ് തീവ്രന്യൂന മർദ്ദമായി ( Depression ) ശക്തിപ്രാപിച്ചത്.

തെക്ക് പടിഞ്ഞാറൻ ബംഗാൾ ഉൾക്കടലിൽ  (Trincomalee) ശ്രീലങ്കക്ക് 470 km അകലെ  തെക്ക് - തെക്ക് കിഴക്കായും, നാഗപ്പട്ടണത്തിനു ( തമിഴ് നാട് ) 760 km  അകലെ തെക്ക് - തെക്ക്കിഴക്കായും ചെന്നൈക്ക് 950 km അകലെ  തെക്ക് - തെക്ക് കിഴക്കായും സ്ഥിതി ചെയ്യുന്നു.

അടുത്ത 24 മണിക്കൂറിനുള്ളിൽ അതി തീവ്രന്യൂന മർദ്ദമായി ( Deep Depression ) വീണ്ടും ശക്തി പ്രാപിച്ച് വടക്ക് പടിഞ്ഞാറു ദിശയിൽ സഞ്ചരിച്ച് ശ്രീലങ്കയുടെ കിഴക്കൻ തീരം വഴി തമിഴ് നാടിന്റെ വടക്കൻ തീരത്തേക്ക് നീങ്ങാൻ സാധ്യത.