ജില്ലയില് 35,64,229 ഡോസ് കോവിഡ് വാക്സിന് വിതരണം ചെയ്തു
മലപ്പുറം: ജില്ലയില് ഇതുവരെ 35,64,229 ഡോസ് വാക്സിന് വിതരണം ചെയ്തതായി ജില്ലാ മെഡിക്കല് ഓഫീസര് ഡോ കെ. സക്കീന അറിയിച്ചു. ഇതില് 26,83,138 പേര്ക്ക് ഒന്നാം ഡോസും 8,81,091 പേര്ക്ക് രണ്ടാം ഡോസുമാണ് നല്കിയത്.
കോവിഡ് ബാധിതരുമായി സമ്പര്ക്കമുണ്ടെന്ന് ബോധ്യമായാല് നിര്ബന്ധമായും വീടുകളില് പ്രത്യേകം നിരീക്ഷണത്തില് കഴിയണം. മറ്റുള്ളവരിലേക്ക് രോഗം പകരാതിരിക്കാനുള്ള പരമാവധി മുന്കരുതലുകള് സ്വീകരിക്കണമെന്നും ആരോഗ്യ പ്രശ്നങ്ങളുള്ളവര് അടുത്തുള്ള ആരോഗ്യ കേന്ദ്രം, ജില്ലാതല കണ്ട്രോള് സെല്, ആരോഗ്യ പ്രവര്ത്തകര് എന്നിവരുമായി ഫോണില് ബന്ധപ്പെട്ട് ലഭിക്കുന്ന നിര്ദേശങ്ങള് പൂര്ണമായും പാലിക്കണമെന്നും ജില്ലാ മെഡിക്കല് ഓഫീസര് അറിയിച്ചു. ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.