കോവിഡ് 19: ജില്ലയില് 261 പേര്ക്ക് രോഗം
190 പേര്ക്ക് രോഗമുക്തി
നേരിട്ടുള്ള സമ്പര്ക്കത്തിലൂടെ 251 പേര്ക്ക്
ഉറവിടമറിയാതെ നാല് പേര്ക്ക്
ചികിത്സയില് 1,811 പേര്
ആകെ നിരീക്ഷണത്തിലുള്ളത് 18,208 പേര്
മലപ്പുറം : ജില്ലയില് ഇന്നലെ (ഏപ്രില് ആറ്) 261 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ.കെ.സക്കീന അറിയിച്ചു. ഉറവിടമറിയാതെ നാല് പേര്ക്കും 251 പേര്ക്ക് നേരിട്ടുള്ള സമ്പര്ക്കത്തിലൂടെയുമാണ് രോഗബാധ. ഇതര സംസ്ഥാനങ്ങളില് നിന്ന് ജില്ലയിലെത്തിയ മൂന്ന് പേര്ക്കും വിദേശത്ത് നിന്നെത്തിയ മൂന്ന് പേര്ക്കും ഇന്നലെ വൈറസ് ബാധിച്ചിട്ടുണ്ട്. ഇന്നലെ രോഗമുക്തരായ 190 പേരുള്പ്പടെ ജില്ലയില് ആകെ രോഗമുക്തി നേടിയവരുടെ എണ്ണം 1,22,230 ആയി.
18,208 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 1,811 പേര് വിവിധ ചികിത്സാ കേന്ദ്രങ്ങളില് നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 116 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 77 പേരും 64 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും കോവിഡ് കെയര് സെന്ററുകളിലുമായി നിരീക്ഷണത്തില് കഴിയുകയാണ്. ഇതുവരെ 610 പേരാണ് കോവിഡ് ബാധിതരായി ജില്ലയില് മരിച്ചത്.
കോവിഡ് വ്യാപന സാധ്യത നിലനില്ക്കുന്ന സാഹചര്യത്തില് ഏതെങ്കിലും വിധത്തിലുള്ള ആരോഗ്യ പ്രശ്നങ്ങളുണ്ടായാല് നേരിട്ട് ആശുപത്രികളില് പോകരുത്. അടുത്തുള്ള ആരോഗ്യ കേന്ദ്രം, ജില്ലാതല കണ്ട്രോള് സെല്, ആരോഗ്യ പ്രവര്ത്തകര് എന്നിവരുമായി ഫോണില് ബന്ധപ്പെട്ട് ലഭിക്കുന്ന നിര്ദേശങ്ങള് പാലിക്കണം. ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.