2025-26 അധ്യയന വർഷത്തെ ഡി.എൻ.ബി.പോസ്റ്റ് എം.ബി.ബി.എസ് പ്രവേശനത്തിന് പ്രവേശന പരീക്ഷാ കമ്മീഷണർ ഓൺലൈൻ അപേക്ഷ ക്ഷണിച്ചു. നാഷണൽ ബോർഡ് ഓഫ് എക്സാമിനേഷൻ ഇൻ മെഡിക്കൽ  സയൻസസ് നടത്തിയിട്ടുള്ള നീറ്റ് പി.ജി. 2025 പ്രവേശന പരീക്ഷയിൽ നിശ്ചിത യോഗ്യത നേടി റാങ്ക് ലിസ്റ്റിൽ ഉൾപ്പെട്ടിട്ടുള്ളവരായിരിക്കണം അപേക്ഷകർ. സർക്കാർ അംഗീകൃത ഇൻഫർമേഷൻ ബുള്ളറ്റിനിൽ പ്രതിപാദിക്കുന്ന വിദ്യാഭ്യാസ യോഗ്യതയും മറ്റ് യോഗ്യതകളും, നിബന്ധനകളും ബാധകമാണ്. നവംബർ 6 ഉച്ചയ്ക്ക് 12 നകം അപേക്ഷ സമർപ്പിക്കാം. സർട്ടിഫിക്കറ്റുകൾ നവംബർ 10 വരെ അപ്‌ലോഡ്‌ ചെയ്യാം. വിശദവിവരങ്ങൾക്ക്: www.cee.kerala.gov.in , 0471 - 2332120, 2338487.