തിരുവനന്തപുരം നഗരത്തിൽ ജലവിതരണം മുടങ്ങും
തിരുവനന്തപുരം നന്ദാവനം റോഡിൽ, വാട്ടർ അതോറിറ്റിയുടെ 315 എം എം എച്ച്ഡിപിഇ പൈപ്പ്‌ലൈനിൽ രൂപപ്പെട്ട ചോർച്ച പരിഹരിക്കുന്നതിന്റെ ഭാഗമായി 05.10.2025 ഞായറാഴ്‌ച രാവിലെ ഏഴു മണി മുതൽ രാത്രി ഏഴു മണി വരെ നന്ദാവനം, ബേക്കറി ജംഗ്ഷൻ , ഊറ്റുകുഴി , സെക്രട്ടേറിയറ്റ്, മാഞ്ഞാലിക്കുളം റോഡ്, ആയുർവേദ കോളജ് ,ഗാന്ധാരിയമ്മൻ കോവിൽ റോഡ്, മേലേതമ്പാനൂർ,അംബുജാവിലാസം റോഡ്, സ്റ്റാച്യു, പുളിമൂട് എന്നീ സ്ഥലങ്ങളിൽ ജലവിതരണം മുടങ്ങും. ഉപഭോക്താക്കൾ വേണ്ട മുൻകരുതൽ സ്വീകരിക്കേണ്ടതാണെന്ന് വാട്ടർ അതോറിറ്റി അറിയിച്ചു.
