പെരുമ്പാവൂ൪ യാത്രാ ഫ്യുവൽസ് ഔട്ട് ലെറ്റ് തുറന്നു

*കെ എസ് ആർ ടി സിയിൽ ടിക്കറ്റ് ഇതര വരുമാനം വർധിപ്പിക്കും: മന്ത്രി കെ.ബി. ഗണേഷ് കുമാർ
കെഎസ്ആർടിസിയിൽ ടിക്കറ്റ് ഇതര വരുമാനം വർദ്ധിപ്പിക്കുന്നതിനുള്ള നടപടികൾ സ്വീകരിക്കുമെന്ന് മന്ത്രി കെ.ബി. ഗണേഷ് കുമാർ. പെരുമ്പാവൂ൪ യാത്രാ ഫ്യുവൽസ് ഔട്ട് ലെറ്റ് ഉദ്ഘാടനം ചെയ്യുകയായിരുന്നു മന്ത്രി.
ഇതിൻ്റെ ഭാഗമായാണ് കെ എസ് ആർ ടി സിയിൽ ബ്രാൻഡിംഗ് നടപ്പാക്കാൻ ശ്രമിക്കുന്നത്. കെഎസ്ആർടിസിയുടെ 12 സ്റ്റേഷനുകൾ ബ്രാൻഡ് ചെയ്യുന്നതിനുള്ള ചർച്ച പുരോഗമിക്കുകയാണ്.ഗ്രാനൈറ്റ് ഒട്ടിച്ച് സ്റ്റേഷനുകൾ വൃത്തിയാക്കാനാണ് ലക്ഷ്യമിടുന്നത്. മാലിന്യമുക്ത നവകേരളം പദ്ധതിയുടെ ഭാഗമായി കെ എസ് ആർ ടി സി സ്റ്റേഷനിലെ എല്ലാ ടോയ് ലെറ്റുകളും നവീകരിക്കുമെന്നും മന്ത്രി പറഞ്ഞു.
ടിക്കറ്റിതര വരുമാനം വ൪ധിപ്പിക്കുക എന്ന ലക്ഷ്യത്തോടെ കെഎസ്ആ൪ടിസി നടപ്പാക്കുന്ന യാത്രാ ഫ്യുവൽസ് പദ്ധതിയിൽ സംസ്ഥാനത്തുടനീളം 75 റീട്ടെയ്ൽ ഔട്ട ലെറ്റുകളാണ് സ്ഥാപിക്കുന്നത്. ഇന്ത്യ൯ ഓയിൽ കോ൪പ്പറേഷന്റെ സഹകരണത്തോടെ നടപ്പാക്കുന്ന പദ്ധതിയിൽ ഭാവിയിൽ ഹരിത ഇന്ധനങ്ങളായ സിഎ൯ജി, എൽഎ൯ജി, ഇലക്ട്രിക് ഫാസ്റ്റ് ചാ൪ജിംഗ് എന്നിവയും ഔട്ട് ലെറ്റുകളിൽ ലഭിക്കും. ഗുണമേന്മയുള്ളതും കല൪പ്പില്ലാത്തതുമായ പെട്രോളിയം ഉത്പന്നങ്ങളാകും ഔട്ട് ലെറ്റിൽ ലഭിക്കുക. നിലവിൽ 14 ഔട്ട് ലെറ്റുകൾ പ്രവ൪ത്തനമാരംഭിച്ചു
എൽദോസ് പി കുന്നപ്പിള്ളിൽ എംഎൽഎ അധ്യക്ഷത വഹിച്ചു.
പെരുമ്പാവൂർ നഗരസഭ ചെയർമാൻ പോൾ പാത്തിക്കൽ ആദ്യ വില്പന നിർവഹിച്ചു. ജില്ലാ പഞ്ചായത്ത് പ്രസിഡന്റ് മനോജ് മൂത്തേടൻ,
ഇന്ത്യൻ ഓയിൽ കോർപ്പറേഷൻ സിജിഎം ആൻഡ് സ്റ്റേറ്റ് ഹെഡ് ഗീതിക വർമ്മ, മുൻ എംഎൽഎ സാജു പോൾ, ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുത്തു.