സഹകരണ ബാങ്ക് വായ്പകള്ക്ക് മൊറട്ടോറിയം
ആനുകൂല്യം ജനുവരി 31 വരെ കൃത്യമായി വായ്പ തിരിച്ചടവ് നടത്തിയവര്ക്ക് മാത്രം
തിരുവനന്തപുരം : സംസ്ഥാനത്തെ സഹകരണ ബാങ്കുകളില് നിന്നും വായ്പയെടുത്തവര്ക്ക് കൊറോണ ഭീഷണിയുടെ പശ്ചാത്തലത്തില് മൊറട്ടോറിയം അനുവദിച്ചതായി സഹകരണ വകുപ്പ് മന്ത്രി കടകംപള്ളി സുരേന്ദ്രന് അറിയിച്ചു. 2020 ജനുവരി 31 വരെ കൃത്യമായി വായ്പ തിരിച്ചടവ് നടത്തി വന്ന വായ്പക്കാര്ക്കാണ് തിരിച്ചടവിന് മൊറട്ടോറിയം അനുവദിക്കുന്നത്. എന്നാല് ദീര്ഘകാലമായി തിരിച്ചടവ് നടത്താതിരിക്കുന്ന വായ്പക്കാര്ക്ക് ഈ ആനുകൂല്യം ലഭിക്കുകയില്ല. ഇതോടൊപ്പം 5 സെന്റിന് താഴെ ഭൂമിയിലുള്ള കിടപ്പാടം ജപ്തി ചെയ്യരുതെന്ന സംസ്ഥാന സര്ക്കാരിന്റെ മുന്നിര്ദേശവും പാലിക്കണമെന്ന് സഹകരണ ബാങ്കുകള്ക്ക് സര്ക്കാര് നിര്ദ്ദേശം നല്കിയിട്ടുണ്ട്.