ലോകകപ്പ് ഫുട്ബോളിനെ ആവേശത്തോടെ വരവേറ്റ് അഴീക്കോട്
വലയിലേക്ക് കുതിച്ച ഓരോ പന്തും ഹർഷാരവങ്ങളോടെ കാണികൾ വരവേറ്റപ്പോൾ അത്‌ കാൽപ്പന്തു കളിയുടെ വിശ്വ മാമാങ്കത്തിനുള്ള വരവേൽപ്പായി. ലോകകപ്പ് ഫുട്ബോളിനെ വരവേൽക്കുന്നതിനായി അഴീക്കോട് മണ്ഡലത്തിൽ സംഘടിപ്പിച്ച സോക്കർ ഫെസ്റ്റ് ആരാധകർക്ക് ആവേശ കളിയാട്ടത്തിന്റെ തുടക്കമായി. ആദ്യ ഗോളടിച്ച് ഫുട്ബോൾ താരം സി കെ വിനീത് ഫെസ്റ്റ് ഉദ്ഘാടനം ചെയ്തു. ലോകകപ്പ് ആരംഭിക്കുന്നതിനു മുന്നോടിയായി 5000 ഗോളുകളാണ് ഫെസ്റ്റിന്റെ ലക്ഷ്യം. ഇതിനായി വൻകുളത്ത് വയൽ ജംഗ്ഷനിൽ ഗോൾപോസ്റ്റ് ഒരുക്കിയിട്ടുണ്ട്. വിദ്യാർത്ഥികൾക്കും പൊതുജനങ്ങൾക്കും ഫെസ്റ്റിൽ പങ്കാളികളാകാം. പരിപാടിയുടെ ഭാഗമായി പൊതുജന റാലിയും സംഘടിപ്പിച്ചു.
