ആറ്റുകാല് പൊങ്കാല; രോഗലക്ഷണങ്ങള് ഉള്ളവര് പൊങ്കാലയ്ക്ക് എത്തരുത്
രോഗബാധിത രാജ്യങ്ങളില്നിന്നെത്തുന്നവര് വീട്ടില്ത്തന്നെ പൊങ്കാലയിടണം
തിരുവനന്തപുരം: കേരളത്തില് കോവിഡ് 19 സ്ഥിരീകരിച്ചെങ്കിലും ആറ്റുകാല് പൊങ്കാല ഒഴിവാക്കാന് കഴിയില്ലെന്ന് ജില്ലാ കളക്ടര് ഗോപാലകൃഷ്ണന് അറിയിച്ചു. ഇത്രയും മാസങ്ങള് നടത്തിയ ഒരുക്കങ്ങള് ഉള്ളതിനാല് നിര്ത്തി വയ്ക്കേണ്ടതില്ലെന്നാണ് തീരുമാനം. രോഗലക്ഷണങ്ങളുള്ളവര് ആരും പൊങ്കാല ഇടാന് വരരുത്. രോഗ ബാധിത രാജ്യങ്ങളില് നിന്നും വന്നവര് വീട്ടില് തന്നെ പൊങ്കാലയിടാന് നിര്ദേശം നല്കിയിട്ടുണ്ട്. 23 ഹെല്ത്ത് ടീം സജ്ജമാക്കിയിട്ടുണ്ട്. 12 ആംബുലന്സുകളും അഞ്ച് ബൈക്ക് ആംബുലന്സുകളും സജ്ജമാക്കിയിട്ടുണ്ട്. റസിഡന്സ് അസോസിയേഷന് അംഗങ്ങള് അടക്കമുള്ള ടീമുകള് അതത് സ്ഥലങ്ങളില് പനിയോ ജലദോഷമോ ഉള്ളവരേയും രോഗബാധിത പ്രദേശങ്ങളില് നിന്നും മടങ്ങിയെത്തിയവരേയും കണ്ടെത്തും. റെയില്വേ സ്റ്റേഷന്, ബസ് സ്റ്റാന്റ്, ക്ഷേത്രങ്ങള് എന്നിവിടങ്ങളില് അവബോധം നടത്തുമെന്നും കളക്ടര് വ്യക്തമാക്കി.
പൊങ്കാലയിടാനെത്തുന്നവരുടെ വീഡിയോ ക്ലിപ്പിംഗ് അടക്കം എടുക്കുന്നതാണ്. എന്തെങ്കിലും പ്രശ്നമുണ്ടായാല് സമ്പര്ക്കത്തിലുള്ള ആളുകളെ കണ്ടെത്താന് ഇത് എളുപ്പമായിരിക്കുമെന്ന് ആരോഗ്യ മന്ത്രി കെ. കെ. ശൈലജ ടീച്ചര് വ്യക്തമാക്കി.