കോറോണ വൈറസ്: ജില്ലാ ആരോഗ്യവകുപ്പ് കണ്ട്രോള് റൂം തുറന്നു
മലപ്പുറം: കോറോണ വൈറസ് മറ്റ് രാജ്യങ്ങളില് പടരുന്ന സാഹചര്യത്തില് ജാഗ്രത പാലിക്കുന്നതിന്റെ ഭാഗമായി ജില്ലാ മെഡിക്കല് ഓഫീസില് 24 മണിക്കൂറും പ്രവര്ത്തിക്കുന്ന കണ്ട്രോള് റൂം തുറന്നതായി ജില്ലാമെഡിക്കല് ഓഫീസര് അറിയിച്ചു. കോറോണ രോഗബാധയുള്ള രാജ്യങ്ങളില് നിന്നും എത്തിയവര് കണ്ട്രോള് റൂമിലെ 0483 2737858 എന്ന നമ്പറില് വിവരം അറിയിക്കണം. വിദേശ രാജ്യങ്ങളില് നിന്നും തിരിച്ചെത്തിയവര് 28 ദിവസം സ്വയം നിരീക്ഷണത്തില് വീടുകളില് കഴിയണമെന്നും ജില്ലാമെഡിക്കല് ഓഫീസര് നിര്ദേശിച്ചു.