ഇന്ന് 211 പേര്‍ക്ക് കോവിഡ്

post

ചികിത്സയിലുള്ളത് 2098 പേര്‍

ഇതുവരെ രോഗമുക്തി നേടിയവര്‍ 2839

10,813 പേരെ നിരീക്ഷണത്തില്‍ നിന്നും ഒഴിവാക്കി

ഇന്ന് 10 പുതിയ ഹോട്ട് സ്പോട്ടുകള്‍; 3 പ്രദേശങ്ങളെ ഒഴിവാക്കി

 തിരുവനന്തപുരം :കേരളത്തില്‍ 211 പേര്‍ക്ക് കൂടി വെള്ളിയാഴ്ച കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയന്‍ അറിയിച്ചു. മലപ്പുറം  ജില്ലയില്‍  നിന്നും  35  പേര്‍ക്കും, കൊല്ലം  ജില്ലയില്‍  നിന്നും  23  പേര്‍ക്കും, ആലപ്പുഴ, തൃശൂര്‍  ജില്ലകളില്‍  നിന്ന്  21  പേര്‍ക്ക്  വീതവും,  കണ്ണൂര്‍  ജില്ലയില്‍  നിന്നും 18 പേര്‍ക്കും, തിരുവനന്തപുരം, എറണാകുളം ജില്ലകളില്‍ നിന്ന് 17 പേര്‍ക്ക് വീതവും, കോട്ടയം, പാലക്കാട്, കോഴിക്കോട്  ജില്ലകളില്‍  നിന്ന് 14  പേര്‍ക്ക്  വീതവും,  പത്തനംതിട്ട, കാസര്‍കോട്  ജില്ലകളില്‍  നിന്ന്  ഏഴ്  പേര്‍ക്ക്  വീതവും,  ഇടുക്കി  ജില്ലയില്‍  നിന്നും  2 പേര്‍ക്കും, വയനാട്  ജില്ലയില്‍  നിന്നും  ഒരാള്‍ക്കും  ആണ്  ഇന്ന്  രോഗ  ബാധ സ്ഥിരീകരിച്ചത്.

ഇന്ന് രോഗം സ്ഥിരീകരിച്ചവരില്‍ 138 പേര്‍ വിദേശ രാജ്യങ്ങളില്‍ നിന്നും 39 പേര്‍ മറ്റ് സംസ്ഥാനങ്ങളില്‍ നിന്നും വന്നതാണ്. യു.എ.ഇ.- 49, സൗദി അറേബ്യ- 45, കുവൈറ്റ്- 19, ഖത്തര്‍- 10, ഒമാന്‍- 10, ബഹറിന്‍- 2, ഐവറികോസ്റ്റ്- 1, ഖസാക്കിസ്ഥാന്‍- 1, നൈജീരിയ- 1 എന്നിങ്ങനെയാണ് വിദേശ രാജ്യങ്ങളില്‍ നിന്നും വന്നത്. ഡല്‍ഹി- 9, മഹാരാഷ്ട്ര - 7, കര്‍ണാടക- 7, തമിഴ്നാട് - 6, തെലുങ്കാന- 4, ജമ്മുകാശ്മീര്‍- 3, ഛത്തീസ്ഗഡ്- 1, മധ്യപ്രദേശ്- 1, ജാര്‍ഘണ്ഡ്- 1 എന്നിങ്ങനെയാണ് മറ്റ് സംസ്ഥാനങ്ങളില്‍ നിന്നും വന്നവര്‍. 27 പേര്‍ക്കാണ് സമ്പര്‍ക്കത്തിലൂടെയാണ് രോഗം ബാധിച്ചത്. ആലപ്പുഴ ജില്ലയിലെ 12 പേര്‍ക്കും എറണാകുളം ജില്ലയിലെ 4 പേര്‍ക്കും തിരുവനന്തപുരം, മലപ്പുറം ജില്ലകളിലെ 3 പേര്‍ക്ക് വീതവും പാലക്കാട്, കോഴിക്കോട് ജില്ലകളിലെ 2 പേര്‍ക്ക് വീതവും തൃശൂര്‍ ജില്ലയിലെ ഒരാള്‍ക്കുമാണ് സമ്പര്‍ക്കത്തിലൂടെ രോഗം ബാധിച്ചത്. ഇത് കൂടാതെ കണ്ണൂര്‍ ജില്ലയിലെ 6 സിഐഎസ്എഫ്കാര്‍ക്കും ഒരു എയര്‍ക്രൂവിനും രോഗം ബാധിച്ചു.

രോഗം  സ്ഥിരീകരിച്ചു  ചികിത്സയിലായിരുന്ന  201  പേരുടെ  പരിശോധന  ഫലം  നെഗറ്റീവ് ആയിട്ടുണ്ട്. പാലക്കാട്  ജില്ലയില്‍  നിന്നും  68  പേരുടെയും,  പത്തനംതിട്ട  ജില്ലയില്‍  നിന്നും 29  പേരുടെയും,  എറണാകുളം  ജില്ലയില്‍  നിന്നും  20  പേരുടെയും (തൃശൂര്‍-1),  കോട്ടയം ജില്ലയില്‍  നിന്നും  16  പേരുടെയും (പത്തനംതിട്ട-1), കണ്ണൂര്‍  ജില്ലയില്‍  നിന്നും  13 പേരുടെയും (എറണാകുളം-1, കാസറഗോഡ്-1),  കാസറഗോഡ്  ജില്ലയില്‍  നിന്നും  12 പേരുടെയും, കോഴിക്കോട്  ജില്ലയില്‍  നിന്നും  11  പേരുടെയും,  മലപ്പുറം,  വയനാട് ജില്ലകളില്‍  നിന്നും  10  പേരുടെ വീതവും,  തിരുവനന്തപുരം  (കൊല്ലം-1), തൃശൂര്‍  ജില്ലകളില്‍ നിന്നും  5  പേരുടെ വീതവും, ആലപ്പുഴ  ജില്ലയില്‍  നിന്നും  2  പേരുടെയും  പരിശോധനാഫലം ആണ്  ഇന്ന്  നെഗറ്റീവ്  ആയത്.

ഇതോടെ 2098 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 2839 പേര്‍ ഇതുവരെ കോവിഡില്‍ നിന്നും മുക്തി നേടി.സംസ്ഥാനത്തെ വിവിധ ജില്ലകളിലായി 1,77,011 പേരാണ് ഇപ്പോള്‍ നിരീക്ഷണത്തിലുള്ളത്. 10,813 പേരെ നിരീക്ഷണത്തില്‍ നിന്നും ഒഴിവാക്കിയിട്ടുണ്ട്. നിരീക്ഷണത്തിലുള്ളവരില്‍ 1,74,117 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 2894 പേര്‍ ആശുപത്രികളിലും നിരീക്ഷണത്തിലാണ്. 378 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്.

കഴിഞ്ഞ 24 മണിക്കൂറിനിടെ 7306 സാമ്പിളുകളാണ് പരിശോധിച്ചത്. റുട്ടീന്‍ സാമ്പിള്‍, ഓഗ്മെന്റഡ് സാമ്പിള്‍, സെന്റിനല്‍ സാമ്പില്‍, പൂള്‍ഡ് സെന്റിനില്‍, സി.ബി. നാറ്റ്, ട്രൂ നാറ്റ് എന്നിവ ഉള്‍പ്പെടെ ഇതുവരെ ആകെ 2,53,011 സാമ്പിളുകളാണ് പരിശോധനയ്ക്കായി അയച്ചത്. ഇതില്‍ 4834 സാമ്പിളുകളുടെ പരിശോധനാ ഫലം വരാനുണ്ട്. ഇതുകൂടാതെ സെന്റിനല്‍ സര്‍വൈലന്‍സിന്റെ ഭാഗമായി ആരോഗ്യ പ്രവര്‍ത്തകര്‍, അതിഥി തൊഴിലാളികള്‍, സാമൂഹിക സമ്പര്‍ക്കം കൂടുതലുള്ള വ്യക്തികള്‍ മുതലായ മുന്‍ഗണനാ ഗ്രൂപ്പുകളില്‍ നിന്ന് 53,922 സാമ്പിളുകള്‍ ശേഖരിച്ചതില്‍ 51,840 സാമ്പിളുകള്‍ നെഗറ്റീവ് ആയി.

ഇന്ന് 10 പുതിയ ഹോട്ട് സ്പോട്ടുകളാണുള്ളത്. തിരുവനന്തപുരം ജില്ലയിലെ നെയ്യാറ്റിന്‍കര മുന്‍സിപ്പാലിറ്റി (കണ്ടൈന്‍മെന്റ് വാര്‍ഡ് 17), ബാലരാമപുരം (5), വഞ്ചിയൂര്‍ (82), കാസര്‍ഗോഡ് ജില്ലയിലെ ബദിയഡുക്ക (12), എന്‍മകജെ (4), ബേഡഡുക്ക (3), പാലക്കാട് ജില്ലയിലെ തിരുവേഗപ്പുറ (18), കോങ്ങാട് (2), കുഴല്‍മന്ദം (5), ആലപ്പുഴ ജില്ലയിലെ നൂറനാട് (15) എന്നിവയാണ് പുതിയ ഹോട്ട് സ്പോട്ടുകള്‍.

അതേസമയം 3 പ്രദേശങ്ങളെ ഹോട്ട് സ്പോട്ടില്‍ നിന്നും ഒഴിവാക്കിയിട്ടുണ്ട്. കോട്ടയം ജില്ലയിലെ മുത്തോളി (കണ്ടൈന്‍മെന്റ് വാര്‍ഡ് 1), കോട്ടയം ജില്ലയിലെ വാഴപ്പള്ളി (8), കാസര്‍ഗോഡ് ജില്ലയിലെ മീഞ്ച (2) എന്നിവയേയാണ് കണ്ടൈമെന്റ് സോണില്‍ നിന്നും ഒഴിവാക്കിയത്. നിലവില്‍ ആകെ 130 ഹോട്ട് സ്പോട്ടുകളാണ് ഉള്ളത്.