വിദ്യാഭ്യാസ സ്കോളര്ഷിപ്പ് അപേക്ഷ തീയതി നീട്ടി
മലപ്പുറം: കേരള മോട്ടോര് തൊഴിലാളി ക്ഷേമനിധിയില് അംഗങ്ങളായ തൊഴിലാളികളുടെ മക്കള്ക്ക് 2019-20 അധ്യയന വര്ഷത്തേക്കുളള വിദ്യാഭ്യാസ സ്കോളര്ഷിപ്പുകള്ക്ക് അപേക്ഷ സ്വീകരിക്കുന്നതിന്റെ അവസാന തീയതി നവംബര് 30 വരെ നീട്ടി. സംസ്ഥാനത്തെ സര്ക്കാര് / എയ്ഡഡ് / അംഗീകൃത സെന്ട്രല് സ്കൂള്/ ഐ.സി. എസ്.ഇ / സി.ബി.എസ്.ഇ എന്നീ സ്കൂള് / കോളജുകള് തുടങ്ങിയവയില് വിവിധ കോഴ്സുകളില് പഠിക്കുന്ന കുട്ടികള്ക്കാണ് സ്കോളര്ഷിപ്പ് അനുവദിക്കുക.
പ്ലസ് വണ് മുതലുള്ള കോഴ്സുകള്ക്ക് അപേക്ഷ സമര്പ്പിക്കുന്നവര് കോഴ്സിന്റെ യോഗ്യതാ പരീക്ഷയില് 50 ശതമാനം മാര്ക്ക് നേടിയവരാകണം. അപേക്ഷ ഫോം ബോര്ഡിന്റെ ജില്ലാ ഓഫീസില് നിന്ന് നേരിട്ടും കേരള മോട്ടോര് തൊഴിലാളി ക്ഷേമനിധി ബോര്ഡിന്റെ ഔദ്യോഗിക വെബ്സൈറ്റായ www.kmtwwfb.org ലഭിക്കും. അപേക്ഷ നവംബര് 30നകം ജില്ലാ ഓഫീസില് സമര്പ്പിക്കണം.