ഒരാള്‍ക്കുകൂടി കോവിഡ് 19 സ്ഥിരീകരിച്ചു
വയനാട്: ജില്ലയില്‍ ഇന്നലെ ഒരാള്‍ക്കുകൂടി കോവിഡ് 19 സ്ഥിരീകരിച്ചു. ജൂണ്‍ മൂന്നിന് മഹാരാഷ്ട്രയില്‍ നിന്നും നാട്ടിലെത്തി ക്വാറന്റയിനില്‍ കഴിഞ്ഞുവന്നിരുന്ന നെന്മേനി കരടിപ്പാറ സ്വദേശിയായ 53കാരനാണ് രോഗം സ്ഥിരീകരിച്ചത്. ഇതോടെ ജില്ലയില്‍ രോഗം സ്ഥിരീകരിച്ചവരുടെ എണ്ണം 57 ആയി.
ജില്ലയില്‍ ഒരാള്‍ കൂടി കോവിഡ് 19 രോഗമുക്തി നേടി. ഖത്തറില്‍ നിന്ന് ജില്ലയിലെത്തി മെയ് 28 മുതല്‍ ജില്ലാ ആശുപത്രിയില്‍ ചികിത്സയിലായിരുന്ന പൂതാടി സ്വദേശിയായ 28കാരനാണ് രോഗം ഭേദമായി ആശുപത്രി വിട്ടത്. രോഗം സ്ഥിരീകരിച്ച 19 പേര്‍ മാനന്തവാടി ജില്ലാ ആശുപത്രിയിലും ഒരാള്‍ കോഴിക്കോട് ബീച്ച് ആശുപത്രിയിലും ചികിത്സയില്‍ കഴിയുന്നുണ്ട്.
